დენიელ ნათანსი

ვიკიპედიაშე

დენიელ ნათანსი (ინგლ. Daniel Nathans; დ. 30 გჷმათუთა, 1928, უილმინგტონი, დელავერი, ააშ — ღ. 16 გერგობათუთა, 1999, ბალტიმორი, მერილენდი, ააშ) — ამერიკალი მიკრობიოლოგი. რესტრიქციაშ ენდონუკლეაზეფიშ ძირაფაშ დო დოგურაფაშ გეშა, 1978 წანას გინოჩეს ნობელიშ პრემია ფიზიოლოგიაშ დო მედიცინაშ დარგის.

ბიოგრაფია[რედაქტირაფა | წყუშ რედაქტირაფა]

დენიელ ნათანსი გურაფულენდჷ დელავერიშ უნივერსიტეტის დო ვაშინგტონიშ უნივერსიტეტის. ნათანსიქ ვაშინგტონიშ უნივერსიტეტის მიპალუ მედიცინაშ დოქტორიშ ხარისხი 1954 წანას. გურაფაშ თებაშ უკულ მუშენდჷ ერუანულ ონკოლოგიურ ინსტიტუტის დო როკფელერიშ ინსტიტუტის. 1962 წანაშე ნათანსი რდჷ ჯონ ჰოპკინზიშ მედიცინაშ სკოლაშ მიკრობიოლოგიაშ ასისტენტ პროფესორი, 1965 წანაშე ასოცირებული პროფესორი დო 1967 წანაშე პროფესორი. 1972-1982 წანეფს ნათანსი რდჷ მიკრობიოლოგიაშ დეპარტამენტიშ დირექტორი. დენიელ ნათანსი რდჷ მენცარობაშ ერუანული აკადემიაშ მაკათური. 1993 წანას გინოჩეს მენცარობაშ ერუანული მენდალი.

რესურსეფი ინტერნეტის[რედაქტირაფა | წყუშ რედაქტირაფა]

  • The Daniel Nathans Papers - Profiles in Science, National Library of Medicine
  • Desiderio, S (November 1978). „Arber, Smith and Nathans: Nobel Laureates in medicine and physiology, 1978“. The Johns Hopkins Medical Journal 143 (5): ხს. ix–x. PMID 364154.