დიდი ანტილიშ კოკეფი

ვიკიპედია-შე
გეგნორთი: ნავიგაცია, გორუა

დიდი ანტილიშ კოკეფი (ინგლ. Greater Antilles, ფრანგ. Grandes Antilles, ესპ. Antillas Mayores) — კარიბიშ ზუღას დვალირი მუსხირენ შხუ კოკი, დო მიშმურს თი კოკეფიშ ბუნაშა, ნამუთ რჩქინელი რე მუჭოთ ვესტ-ინდოეთი. კოკეფიშ ორენიშ დო სიდიდაშ მეჯინათ ვესტ-ინდოეთი დორთილი რე გეჸვენჯიშობურო: ბაჰამიშ კოკეფი, მორჩილი ანტილიშ კოკეფი დო დიდი ანტილიშ კოკეფი. ეკონია ჟირი ბუნა ართობურო ანტილაიშ კოკეფიშ არქიპელაგის წჷმარინუანა.

გეოგრაფია[რედაქტირაფა | წყუშ რედაქტირაფა]

დიდი ანტილიშ კოკეფიშ ბუნაშა მიშმურს კუბა, იამაიკა, ჰაიტი დო პუერტო-რიკო.

დიდი ანტილიშ კოკეფი
კოკი ფართობი,
კმ²
მახორობა,
ადმ. (2009)
მეჭედალა,
ადმ./კმ²
ქიანა
კუბა 110860 11242621 101,41 კუბაშ შილა კუბა
ჰაიტი 76480 19890000 260,07 დომინიკარეფიშ რესპუბლიკაშ შილა დომინიკარეფიშ რესპუბლიკა დო ჰაიტიშ შილა ჰაიტი
იამაიკა 10991 2735520 248,89 იამაიკაშ შილა იამაიკა
კაიმანიშ კოკეფი 264 54878 207,87 კაიმანიშ კოკეფი (გოართოიანაფილი ომაფე)
პუერტო-რიკო 9104 3994259 438,74 პუერტო-რიკოშ შილა პუერტო-რიკო (ააშ)
ედომუშამო 207435 37862400 182,53

მორჩილი ანტილიშ კოკეფიშე გიშაკერძაფილო, დიდი ანტილიშ კოკეფქ მატერიკიშე გიმიქიმინჷ.

კოკეფიშ უმაღალაში კონკეფი რე: სიერა-მაესტრა (2375 მ) დო სიერა-დელ-კობრე (2119 მ) კუბას დო ლენი გვალეფი (2370 მ) იამაიკას.

კარიბიშ ზუღაშ კოკეფიშ არძოშე უმაღალაში კონკა — პიკო-დუარტე (Pico Duarte) კოკი ჰაიტის, დომინიკარეფიშ რესპუბლიკას (3087 მ).

ისტორია[რედაქტირაფა | წყუშ რედაქტირაფა]

ნინაშ, სიხოლაშ დო ტრადიციეფიშ მეჯინათ, დიდი ანტილიეფიშ კოკეფი ლათინური ამერიკაშ ნორთო მირჩქინუაფჷ. 1492 წანას, მაართათ მიოგორუ ქრისტეფორე კოლუმბიქ.

დიდი ანტილიშ კოკეფს ირო შანულამი სტრატეგიული შანულობა უღუდჷ, მუჭოთ ამერიკაშა მიოლი ჭიშკარს დო თიმ ბორჯის, მუჟანსჷთ ოურდუმე-ოზუღე სინძალიერე გჷნმათანჯალი რდჷ სახენწჷფოეფიშ სტრატეგიას, თე კოკეფი ოლჷმე ველეფი რდჷ მუსხირენ იმპერიაშო, უმენტაშო ესპანეთშო, საფრანგეთშო დო გოართოიანაფილი ომაფეშო.

რესურსეფი ინტერნეტის[რედაქტირაფა | წყუშ რედაქტირაფა]

  • Rogonzinski, Jan. A Brief History of the Caribbean. New York: Facts on File, 1992.


wikistub თე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გოფაჩათ.