დიკინსონ რიჩარდსი

ვიკიპედია-შე
ნავიგაციაზე გადასვლა ძიებაზე გადასვლა

დიკინსონ ვუდრაფ რიჩარდსი უკულაში (ინგლ. Dickinson Woodruff Richards, Jr.; დ. 30 გჷმათუთა, 1895, ორინჯი, ნიუ-ჯერსი, ააშ — ღ. 23 ფურთუთა, 1973, ლეიკვილი, კონექტიკუტი, ააშ) — ამერიკალი ექიმი დო ფიზიოლოგი, გურიშ კათეტერიზაციაშ მეთოდიშ ართ-ართ დუმარსხუაფალი. 1956 წანას ნობელიშ პრემიაშ ლაურეატი ფიზიოლოგიაშ დო მედიცინაშ დარგის (ანდრე ფრედერიკ კურნანი დო ვერნერ ფორსმანიწკჷმა ართო).

ბიოგრაფია[რედაქტირაფა | წყუშ რედაქტირაფა]

დიკინსონ რიჩარდსი გურაფულენდჷ ჰოტჩკისიშ სკოლას, კონექტიკუტის. უკულ გურაფა გაგინძორჷ იელიშ უნივერსიტეტი, სოდეთ ინგლისურს დო ჯვეშ ბერძენულ ნინას გურაფულენდჷ. 1917 წანას ქაკათჷ ამერიკაშ არმიას დო 1918-1919 წანეფს რდჷ საფრანგეთის ამერიკაშ არმიაშ არტილერიაშ ინსტრუქტორი. ამერიკაშა დორთინაშ უკულ კოლუმბიაშ უნივერსიტეტიშ მედიცინაშ დო ქირურგიაშ კოლეჯის გურაფულენდჷ, სოდეთ მიპალუ მედიცინაშ დოქტორიშ ხარისხი 1923 წანას. გურაფაშ თებაშ უკულ 1927 წანაშა ნიუ-იორკიშ ჰოსპიტალს მუშენდჷ. 1927 წანას დიკინსონ რიჩარდსიქ ინგლისშა მიდართჷ დო მუშობა დიჭყჷ ინგლისიშ მედიცინაშ ერუანულ ინსტიტუტის ფარმაკოლოგიშ დო ფიზიოლოგიშ ჰენრი დეილიშ ხემანჯღვერობათ. მალას ამერიკაშა დირთჷ. დიკინსონ რიჩარდსიშ ინტერესეფიშ სფერო რდჷ გური დო თიში ლახარეფი. გურაფულენდჷ გურიშ ქრონიკულ ლახარეფს დო მედიკამენტეფს გურიშ ლახარეფიშ კურნალობაშო. დარსხუ კურნალობაშ დო დიაგნოსტიკაშ შხვადოშხვა მეთოდეფი. ჸათე ნახანდეფიშ გეშა გინოჩეს ნობელიშ პრემია ფიზიოლოგიაშ დო მედიცინაშ დარგის 1956 წანას. რდჷ კოლუმბიაშ უნივერსიტეტიშ პროფესორი.

ჯილდოეფი დო პრემიეფი[რედაქტირაფა | წყუშ რედაქტირაფა]

  • 1956: ნობელიშ პრემია ფიზიოლოგიაშ დო მედიცინაშ დარგის
  • 1960: ჯონ ფილიპსიშ მემორიალური პრემია
  • 1963: Legion of Honour
  • 1968: ტრუდოშ მენდალი
  • 1970: კობერიშ მენდალი

ლიტერატურა[რედაქტირაფა | წყუშ რედაქტირაფა]

  • Fishman, Alfred P. Richards, Dickinson Woodruff. American National Biography Online February 2000.
  • Chamberlin, M D (February 2001). „Dickinson W. Richards, MD: through a grand-daughter's eyes“. Coron. Artery Dis. 12 (1): ხს. 79–82. DOI:10.1097/00019501-200102000-00012. PMID 11211171. 

რესურსეფი ინტერნეტის[რედაქტირაფა | წყუშ რედაქტირაფა]