დურუჯი (წყარმალუ)

ვიკიპედია-შე
ნავიგაციაზე გადასვლა ძიებაზე გადასვლა
დურუჯი
დოხასიათაფა
სიგჷრძა 27 კმ
ღანჩოშ ფართობი 103 კმ²
ოდუდე კახეთიშ კავკაციონი
ინაკათუ ალაზანი
ორენი
Georgia location map2.svg
ქიანეფი ნოღა ყვარელი, Flag of Georgia.svg საქორთუო


დურუჯიწყარმალუ ალაზანიშ კვარჩხანი ნადუ, გიშმურს ნოღა ყვარელშა. გჷთმიჭყაფუ კავკაციონიშ ობჟათე კართეს შავი დო თეთრი დურუჯიშ აკოართაფათ. შავი დურუჯი იჭყაფუ გვალა შავი კლდეშე, თეთრი დურუჯი — გვალა ნინიკასციხიშ ობჟათე კართეს. სიგირძა 27 კმ, ღანჩოშ ფართობი 103 კმ².

წყარმალუშ ჟინ წელს ღანჩო მარაოშობური რე. ლეხერიშ ჟინი ნორთი დო ქვინჯი აკოქუნილი რე ტკილიშ ნატახერეფიშ ფსქელი ლექით. წყარმალუშ კალაპოტი ლექის რე ენოჭკირილი. შქა წელს ლეხერს ჭკუდიშ ფორმა უღჷ დო ტყათი რე გოქუნელი. კალაპოტი კირდეამი, წყარგელაფუამი დო ჭორომამი უღჷ. თუდონი ოლუს ღანჩო ალაზიმაფათ ფართო რე. ნოღა ყვარელწკჷმა აკოშაყარელი ლექიშ გეშა წყარმალუ ინოჸელებუ დო მუსხირენ ღალუშ ფორმათ ინმაკათუ ალაზანს.

დურუჯი უმენტაშო ეთმიჯუმუაფუ თირიშ დო ჭვემაშ წყარეფით. ოშქაშე წანიერი ხარჯი რე 1,06 მ3/ წმ. ახასიათენს წყარიშ მოლაფა. დურუჯიშ ჟინ ოლუს მიწმიქიმინუ სტრუქტურული პოპორწყარი, მუდგა ბორჯის წყარიშ ხარჯიქ შილებე მიოჭირინუას 200 მ3/მქ-ას დო უმოსი. დურუჯის გვალაშე მოუღჷ კოლოსარული მუდგანობათ ლექი დო დიდ ხიფათი მოუღჷ ნოღა ყვარელშა.

ლიტერატურა[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ: