დინორეშა გინულა

ედუარდ ჩარლზ პიკერინგი

ვიკიპედიაშე
ედუარდ ჩარლზ პიკერინგი
ინგლ. Edward Charles Pickering
დაბადებაშ თარიღი:

19 კვირკვე, 1846

დაბადებაშ აბანი:

ბოსტონი, მასაჩუსეტსი, ააშ

ღურაშ თარიღი:

ფურთუთა 3, 1919 (72 წანერი)

ღურაშ აბანი:

კემბრიჯი, მასაჩუსეტსი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ასტრონომია

სამუშაშ აბანი :

ჰარვარდიშ უნივერსიტეტი
ჰარვარდიშ ობსერვატორია
მასაჩუსეტსიშ ტექნოლოგიაშ ინსტიტუტი

ალმა-მატერი:

ჰარვარდიშ უნივერსიტეტი

ჯილდოეფი დო პრემიეფი:

მენცარობეფიშ ერუანული აკადემიაშ მაკათური (1873)
ჰენრი დრეიპერიშ მენდალი (1888)
ვალზიშ პრემია (1888)
რუმფორდიშ მენდალი (1891)
ბრიუსიშ მენდალი (1908)
ასტრონომიაშ ომაფე ჯარალუაშ ორქოშ მენდალი (1886, 1908)
ლონდონიშ ომაფე ჯარალუაშ ურცხოალი მაკათური (1907)
ჟიულ ჟანსენიშ პრემია (1908)

ხეშმოჭარუა:

ედუარდ ჩარლზ პიკერინგი (ინგლ. Edward Charles Pickering; დ. 19 კვირკვე, 1846, ბოსტონი, მასაჩუსეტსი, ააშ — ღ. 3 ფურთუთა, 1919, კემბრიჯი, მასაჩუსეტსი, ააშ) — ამერიკალი ასტრონომი დო ფიზიკოსი. პიკერინგი რდჷ ართ-ართი პირველი ასტრონომი ნამუქჷთ მიოგორუ სპექტროსკოპული ჟირმურიცხის. პიკერინგიშ არძაშე უმოსო შანულამი ნახანდი რე "ფიზიკური მანიპულაციეფიშ ელემენტეფი", ნამუქჷთ გიშართჷ 2 ტომო, 1873-1876 წანეფს. პიკერინგიქ გიმიგონჷ მერიდიანული ფოტომეტრი მურიცხეფიშ მაგნიტუდაშ ოზიმალო დო მიშეღჷ დიდი თია ჰარვარდიშ ფოტომეტრიაშ გოვითარაფაშა, ნამუთ რდჷ მაართა დიდი ფოტომეტრიული კატალოგი.

პიკერინგიქ დებადჷ ბოსტონს. ბაღანობაშე დეინტერესჷ ასტრონომიათ. გურაფულენდჷ ბოსტონიშ ლათინურ სკოლას. უკულ გურაფა გაგინძორჷ ჰარვარდიშ ლოურენსიშ ომენცარე სკოლას, სოდეთ მიპალუ მენცარობეფიშ ბაკალავრიშ ხარისხი 1865 წანას.

გურაფაშ თებაშ უკული პიკერინგი მუშენდჷ დიო ჰარვარდის, უკულ მასაჩუსეტსიშ ტექნოლოგიაშ ინსტიტუტის, სოდეთ რდჷ ფიზიკაშ პროფესორი. 1877-1919 წანეფს იმუშუ ჰარვარდიშ ობსერვატორიაშ დირექტორო. პიკერინგიშ დირექტორობაშ ბორჯის ჰარვარდიშ ობსერვატორიაქ გინირთჷ ართ-ართ შანულამ ასტრონომიულ ობსერვატორიათ მოსოფელიშ მასშტაბით.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: