ევოლუციაშ სინთეზური თეორია

ევოლუციაშ დო გენეტიკაშ შხვადოშხვა იდეეფი აფორმირენა ევოლუციაშ სინთეზურ თეორიას

ევოლუციაშ სინთეზური თეორია, თაშნეშე თეხანური სინთეზი (ინგლ. Modern synthesis) — თეხანური, XX ოშწანურაშ ევოლუციური თეორია, ნამუთ შხვადოშხვა დისციპლინეფიშ, გიშაკერზაფილო ჩარლზ დარვინიშ ევოლუციაშ თეორიაშ დო გრეგორ მენდელიშ იდეეფიშ სინთეზი რე. ტერმინი მიშეღჷ ტომას ჰენრი ჰაქსლიქ, მუში 1942 წანაშ წინგის: "ევოლუცია: თეხანური სინთეზი".

ევოლუციაშ სინთეზური თეორია იკათუანს: ორთაშობურ სელექციას, მენდელიშ კანონეფს გენეტიკაშ გეშა დო პოპულაციურ გენეტიკას. თინა თაშნეშე მერსხუაფილი რე მაკროევოლუცია დო მიკროევოლუციაწკჷმა ხოლო.

ევოლუციაშ სინთეზური თეორიაშ დეფინიცია დუმარსხუაფალეფს მოჩამილი აფუნა შხვადოშხვანერო: ერნსტ მაირის 1959 წანას, ჯორჯ ლედიარდ სტებინსის 1966 წანას დო თეოდოსიუს დობჟანსკის 1974 წანას. სუმხოლო მენცარი წჷმარინუანს შხვადოშხვა პოსტულატეფს, მარა თარი აკმადგინალი არძაშო ორთაშობური სელექცია რე. შხვა მენცარეფი ნამუეფიშ რკვიებეფი ორხველუდჷ თეხანური სინთეზს, რდეს: ედმუნდ ფორდი, ბერნჰარდ რენში, ივან შმალჰაუზენი დო ჯორჯ გეილორდ სიმპსონი.