ერიხ კესტნერი
| ერიხ კესტნერი | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
კვირკვე 29, 1974 (75 წანერი) |
| ღურაშ აბანი: | |
| ერუანობა: | |
| საქვარუა: | |
| პერიოდი : |
1927—1969 |
| Magnum opus: |
ემილი დო დეტექტივეფი (1929) |
| ჟანრი: | |
| ნინა: | |
| ჯილდოეფი: |
გეორგ ბიუხნერიშ პრემია (1957) |
|
| |
ემილ ერიხ კესტნერი (გერმ. Emil Erich Kästner; დ. 23 ფურთუთა, 1899, დრეზდენი, საქსონიაშ ომაფე, გერმანიაშ იმპერია — ღ. 29 კვირკვე, 1974, მიუნხენი, ბავარია, გერმანია) — გერმანალი ჭარუ, ნოველისტი, პოეტი დო სცენარისტი. შინელი რე სატირულ-იუმორისტული ლერსეფით დო ბაღანეფიშ ლიტერატურაშ ჟანრიშ რომანით ემილი დო დეტექტივეფი, თაშნეშე ავტობიოგრაფიული ნახანდით მუჟამსჷთ ვორდი ჭიჭე ბოში (1957), ნამუშ გეშათ მიპალუ საირქიანო ჰანს ქრისტიან ანდერსენიშ პრემია 1960 წანას. კესტნერი ამშვიშა რდჷ ნომინირაფილი ნობელიშ პრემიაშა.
დებადჷ დრეზდენს, საქსონიას. გურაფულენდჷ გერმანული ლიტერატურას, ფილოსოფიას დო ისტორიას ლაიფციგიშ უნივერსიტეტის. ოდოქტორე დისერტაცია თხილუ 1925 წანას. გურაფაშ თებაშ უკული მუშენდჷ ჟურნალისტო. ლიტერატურული კარიერა 1920-იანი წანეფიშე დიჭყჷ. 1928 წანაშ დამორჩილს გიშართჷ კესტნერიშ არძაშე უმოსო შანულამი ნახანდიქ "ემილი დო დეტექტივეფი", ნამუქჷთ ავტორს პოპულარობა მოუღჷ. ხვალე გერმანიას გიმიჩინჷ წინგიშ 2 მილიონ ეგზემპლარქ. რომანი თანგილი რე მოსოფელიშ 59 ნინაშა.
გერმანიაშ ხეშულობაშა ნაცისტეფიშ მულაშ უკულ, კესტნერიშ მეხჷ რეპრესიეფქ ქიდიჭყჷ. კესტნერი გერმანალი ჭარუეფიშ გილდიაშე გეგშჸათეს დო თიში ნაჭარეფი დოჭვეს.
ერიხ კესტნერი რდჷ შხვადოშხვა პრემიეფიშ დო ჯილდოეფიშ ლაურეატი. 1956 წანას გინოჩეს ნოღა მიუნხენიშ ლიტერატურული პრემია, 1957 წანას გეორგ ბიუხნერიშ პრემია. 1951 წანაშე 1961 წანაშახ რდჷ ჭარუეფიშ საირქიანო ასოციაცია პენ-კლუბიშ გერმანიაშ ფილიალიშ პრეზიდენტი. კესტნერიქ ღურუ კიბოთ, 1974 წანაშ 29 კვირკვეს. დასაფულებური რე მიუნხენიშ წიმინდე გიორგიშ სასაფლას. კესტნერიშ ღურაშ უკულ მალას, ბავარიაშ ხელუანობეფიშ აკადემიაქ დარსხუ კესტნერიშ ჯოხონობაშ ლიტერატურული პრემია.
გიშნაგორა ნაჭარეფი
[რედაქტირაფა | წყუშ რედაქტირაფა]- ემილი დო დეტექტივეფი (1929)
- ჭურჭული დო ანტონი (1931)
- 35 მესი (1931)
- ფაბიანი (1931)
- ემილი დო სუმი ტკუბი (1933)
- მაფურინე კლასი (1933)
- სუმი კოჩი თირს (1934)
- გეორგი დო ინციდენტეფი (1938)
- ლიზა დო ლოტი (1949)
- ჩხოლარეფიშ კონგრესი (1949)
- 13 თუთა (1955)
- მუჟამსჷთ ვორდი ჭიჭე ბოში (1957)
- ჭიჭე კოჩი (1963)
- ჩქიმი ბიძია ფრანცი (1969)