ექიმი ჰაუსი (სერიალი)

ვიკიპედიაშე
ექიმი ჰაუსი
ჟანრი ომედიცინე დრამა
ავტორი დევიდ შორი
თარი თემა „Teardrop“, Massive Attack
ქიანა ააშ
ნინა ინგლისური
სეზონი 7
ეპიზოდი 177 (ეპიზოდეფიშ ერკებული)
პროდიუსერ(ეფ)ი ქეთი ჯეიკობსი
დეივიდ შორი
ბრაიან სინგერი
ხანგინძალა 42 წნ.
ორიგინალური არხი Fox
ძირაფაშ ფორმატი 480i
720p (HDTV)
მაართათ ეთერს გერგობათუთა 16, 2004 (2004-11-16)
ეკონია შვანს ეთერს 21 მესი, 2012
საიტი

ექიმი ჰაუსი (House), ჩინებული ხოლო მუჭოთ უბრალოთ ჰაუსი — ამერიკული ოტელევიზიე ომედიცინე დრამა, ნამუში დებიუტი 2004 წანაშ 16 გერგობათუთას იჸუ Fox Broadcasting Company.-შ ეთერს. თიში დჷმარსხუალეფი რენა დევიდ შორი დო პოლ ატანაზიო. შოუშ თარი გერგეზი რე ექიმი გრეგორი ჰაუსი (ჰიუ ლორი), ომედიცინე გენიოსი, ნამუთ დიაგნოსტიკურ ბუნას მაჯღვერანს პრინსტონ-პლეინსბოროშ ოგურაფალ ოსქილადუს, ნიუ-ჯერსი-ს. შოუშ იდეა ატანაზიოს ორხველ, თარი გერგეზი ჰაუსი შორიშ დორსხუაფილი რე.

ჰაუსის შხირას უღუ ნირზი მუში უნჩაშწკჷმა, ოსქილადუშ ადმინისტრატორ ლიზა კადისწკჯმა დო დიაგნოსტიკეფიშ ბუნაწკჷმა, თიშენ ნამდა შხირას თიში ჰიპოთეზეფი პაციენტეფიშ ლახალაწკჷმა მერცხუაფილი რე ბრელიშო უგუგებუ დო ონირზე რკვიებეფშა. ჰაუსიშ აკა მაჸალე ექიმი ჯეიმზ უილსონი რე, თი ოსქილადუს ონკოლოგიური გუნორთიშ უნჩაში. მაართა სუმი სეზონიშ გოულას ჰაუსიშ დიაგნოსტიკურ ბუნაშა მიშეშჷ: რობერტ ჩეისი, ელისონ ქემერონი დო ერიკ ფორმენი. მასუმა სეზონიშ ბოლოს ფორმენქ დო ქემერონქ გაცხადებეფი დოჭარეს სამუშაშე ულაშ გეშა, ჩეისი ჰაუსიქ მუშით გინაათჷ. მანთხა სეზონიშ მაართა ეპიზოდეფს ჰაუსიქ კონკურსი მანწყუ დიაგნოსტიკური ბუნაშ ახალი მაკათურიშ ოსხუნალო დო საბოლათ კონკურსანტეფიშე სუმი - რემი „ვითოსუმი“ ჰედლი, კრის თაუბი დო ლოურენს ქათნერი დიტუ. ბუნასს გვიანო კინ ქაკათჷ ფორმენქ, ჩეისიქ დო ქემერონქ ოლეხეშ შხვა გუნორთეფს გაგინძორეს მუშობა დო მანგურო შოუშე ვეგნოდინაფენა.

სერიალი ფართას რე აღიარებული კრიტიკოსეფიშ დო მაჯინეეფშე. მაჟიაშე მაანთხა სეზონეფიშ კოროცხუათ თინა ამერიკას საუჯგუშო ოტელევიზიე შოუეფიშ ვითულშა მიშეშჷ, 2008 წანას მოსოფელს არძაშე ნაძირეფი სერიალი რდჷ. მეღებული აფუ ორქოშ გლობუსი დო ემიშ ჯილდოეფი. გვალო ეთერს გიშართჷ სერიალიშ 8 სეზონქ. ეკონია ეპიზოდიშ პრემიერა 2012 წანაშ 21 მესის რდჷ.

რესურსეფი ინტერნეტის[რედაქტირაფა | წყუშ რედაქტირაფა]