ეხნატონი

	ეხნატონი; ამენჰოტეპ IV
	; ეხნატონიშ ნოჭახნაკუ ეგვიპტეშ მუზეუმს
ეგვიპტეშ ფარაონი
პოსტის გერინაშ ბორჯი
	ჯვ. წ. 1353 წანა – ჯვ. წ. 1336 წანა
წიმოხონი	ამენჰოტეპ III
მონძე	სმენხკარა
ნაღურა	ჯვ. წ. 1336, ვარდა ჯვ. წ. 1334;
ნთხორუ აბანი	ეხნატონიშ აკარდამა
მუმა	ამენჰოტეპ III
ნანა	ტიია
ალმასქუ	ნეფერტიტი; კიია; ახალნორდი ლედი; ტადუხეფა
სქუალეფი	სმენხკარა; მერიტატონი; მეკეტატენი; ანხესენამონი; ნეფერნეფრუატონ-ტაშერიტი; ნეფერნეფრურა; სეტეპენრა; ტუტანხამონი; ანხესენპაატონ-ტაშერიტი (?); მერიტატონ-ტაშერიტი (?)
რელიგია	ჯვეშეგვიპტური რელიგია; ატონიზმი

ეხნატონი, მართუალაშ მახუთა წანაშახ ამენჰოტეპ IV — ეგვიპტეშ ფარაონი ჯვ. წ. 1353-1336 წანეფს, შვა ვერსიათ ჯვ. წ. 1351-1334 წანეფს, მავითობრუო დინასტიაშ მავითა წჷმმარინაფალი.

მართუალაშ ბორჯის, ამენჰოტეპ IV-ქ ქიმიოტუ ჯვეშეგვიპტური პოლითეიზმი დო ქუდარსხუ ატონიზმი. ამენჰოტეპიქ დო თიში ალმასქუ ნეფერტიტიქ გინოჭყვიდეს გუჭყაფუდესკო ართი ღორონთიშ რწუმება. ფარაონქ ხუჯი ეურთუ არძო ეგვიპტური ღორონთის, თინეფიშ სახელეფით მოშინაფა ხოლო აკრძალჷ. ატონქ გჷმოცხადებულქ იჸუ ხვალახე ღორონთო, ნამუსჷთ გიმოხანტუნდეს ბჟაშ დისკოთ. ახალი ღორონთიშ პატიოჩამალო ამენჰოტეპიქ ჯოხო დითირუ დო ქიგიდვჷ ეხნატონი, ნამუთ ატონიშო სასარგებელოს შანენს. თიქ ეიოგჷ ახალი ნანანოღა, ჯოხოდვალათ ახეტატონი. მარა ჸათე რეფორმეფქ ვეჸუ საწმოხონოქ. ეხნატონიშ ღურაშ უკულ, ქურუმეფქ კინ გემშეღეს ჯვეში ღორონთეფიშ კულტი. ქურუმეფიშ ზოჯუათ, მოჯალაგეს ეხნატონიშ ნოჭახნაკუეფი დო თიში ჯოხო ეგვიპტეშ მამართალი ფარაონეფიშ ერკებულიშე ხოლო გეგშეღეს. ეხნატონიშ რელიგიური რეფორმა, მონოთეიზმიშ გოჭყაფაშ მაართა ცადება რდჷ.

გალენური პოლიტიკას, ახეტატონს მუთუნნერი სერიოზული წჷმოძინეფიშა ვემუჭირინუაფჷ. დედაღარჷ ეგვიპტეშ ოურდუმე ჭყანაქ. სირია დო პალესტინა ოცადუდეს ეგვიპტეშე დუდშულობაშ მეჭირინაფას. ჯვ. წ. 1350-იან წანეფს, ეგვიპტექ მითანიწკჷმა ლჷმათ, მიოდინუ ობჟათე სირია. ჯვ. წ. 1356-1355 წანეფს მითანი ხეთეფქ დამარცხეს დო ეგვიპტეშ მეძობელეფო გინირთეს.

ლიტერატურა[რედაქტირაფა | წყუშ რედაქტირაფა]

Aldred, Cyril (1973). Akhenaten and Nefertiti. London: Thames & Hudson
Redford, Donald B. (1984). Akhenaten: The Heretic King. Princeton, New Jersey: Princeton University Press.

ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.