ტუტანხამონი
| ტუტანხამონი | |
 | |
| ტუტანხამონიშ მარშიმი | |
| ეგვიპტეშ XVIII დინასტიაშ ფარაონი | |
| დუდალ. დაჭყაფუ: | ჯვ. წ. 1332 |
|---|---|
| დუდალ. დათებუ: | ჯვ. წ. 1323 |
| წიმოხონი: | სმენხკარა ვარ-და ნეფერნეფერუატენი |
| მონძე: | ეიე |
| დაბ. თარიღი: | ჯვ. წ. 1341 |
| ღურ. თარიღი: | ჯვ. წ. 1323 |
| ალმასქუ: | ანხესენამონი |
| სქუალეფი: | 2 ღურელობადებული ცირასქუა |
| დინასტია: | XVIII დინასტია |
| მუმა: | ეხნატონი |
| ნანა: | ახალნორდი ლედი |
ტუტანხამონი (კოპტ. Ⲧⲟⲩⲧⲁⲛⲭⲁⲙⲱⲛ); ამონიშ თელორი ნახანტი) დუდპირველაშე ტუტანხატონი (ატონიშ თელორი ნახანტი) (ჯვ. წ. 1355 — ჯვ. წ. 1337) — ეგვიპტეშ XVIII დინასტიაშ ფარაონი ჯვ. წ. 1347 — ჯვ. წ. 1337 წანეფს. თე პერიოდი ეგვიპტეშ ისტორიას ახალი ომაფეშ ჯოხოდვალათ რე ჩინებული. თიში დუდპირველი ჯოხო ტუტანხატონი შანენს „ატონიშ თელორ ნახანტის“, ტუტანხამონი — „ამონიშ თელორ ნახანტის“. იეროგლიფეფს თიში ჯოხო იჭარჷ მუჭოთ ამონ-ტუტ-ანხ. თენა მერსხილი რე გინამჭარუწკჷმა, ნამუთ, ტრადიციაშ მეჯინათ, პირველო თარშურ ჯოხოს ჭარუნდჷ, ანდანე ღოზი გჷსუმალუდუკო ფარაონიშ დიდებაშონ.
ტუტანხამონის მუმა რდჷ ჩინებული ფარაონი „მაწვალებერო“ ჯოხოდვალირი ეხნატონი. მარა თარი ტუტანხამონიშ ნანაშ მირენობაწკჷმა რე მერსხილი. თინა რე ვა ეხნატონიშ დუდ ალმასქუ, ნეფერტიტი, ვარინ თ.ჯ. „ახალნორდი ოსურპატჷნი“, ნამუშ ჯოხო დიო ვა რე დოდგინელი, მარა გენეტიკურ ანალიზიქ გეგშაარგამჷ, ნამჷ-და თინა ტუტანხამონიშ მუმაშ, ეხნატონიშ და რდჷნ. ანუ ტუტანხამონქ ინცესტიშ შედეგო დებადჷ, ნამუთ შხვაშ თური ვა რდჷ ჯვეშ ეგვიპტალეფშო. ონთხორუე KV 35-ს მეგორაფილჷ უნჩაში ხანიშ ოსურიშ ნოსქილედიქ საბოლათ შილებე მიორხველუას ტუტანხამონიშ ბების, დიაფალ ტიიას.
ტუტანხამონს დოხოლაფირო 3 300 წანაშ კინოხ უდგუდჷ შური. თინა ჩხორო წანერი რდჷ, მუჟანსჷთ ხვისტაშა ეშართჷ დო 18 წანერქ დოღურჷ. არქეოლოგეფიშ დო ისტორიკოსეფიშ უმენტაშობა ორდოშე ვარაუდენდჷ, ნამჷ-და მუამუში ჩინებული ეხნატონი რდჷნ, ნამუქჷთ ეგვიპტეს რელიგიური რეფორმეფიშ მანჯება დო მონოთეიზმიშ მიშაღალას ეცადჷ.
გენეტიკურ დო რადიოლოგიურ გუმორკვიაფეფქ, თაშნეშე გეგშაარგამჷ ტუტანხამონიშ ღურაშ ბაძაძეფი. ეგვიპტეშ სიჯვეშაშეეფიშ სხუნუშ გენერალური მელამოსეშ, ზაჰი ჰავასიშ რაგადით, ტუტანხამონი მუჭოთ ჩქჷ, მალარიაშ მონკა ფორმათ რდჷ დალახებური, თეიშახ თიში რსხული ყვილეფიშ ლახარათ რდჷ დოდაღარაფილი. ლეხი დო აშაციმილი ტუტანხამონი კეტიათ გილეშჷ.
ტუტანხამონიშ აკარდამას ბრიტანალ არქეოლოგი, ჰაუარდ კარტერქ მიოგორჷ 1922 წანას.
ლიტერატურა[რედაქტირაფა | წყუშ რედაქტირაფა]
- Andritsos, John. Social Studies of ancient Egypt: Tutankhamun. Australia 2006
- Booth, Charlotte. The Boy Behind the Mask", Oneworld, ISBN 978-1-85168-544-8
- Brier, Bob. The Murder of Tutankhamun: A True Story. Putnam Adult, 13 April 1998, ISBN 0-425-16689-9 (paperback)/ISBN 0-399-14383-1 (hardcover)/ISBN 0-613-28967-6 (School & Library Binding)
- Carter, Howard and Arthur C. Mace, The Discovery of the Tomb of Tutankhamun. Courier Dover Publications, 1 June 1977, ISBN 0-486-23500-9 The semi-popular account of the discovery and opening of the tomb written by the archaeologist responsible
რესურსეფი ინტერნეტის[რედაქტირაფა | წყუშ რედაქტირაფა]
- Grim secrets of Pharaoh's city
- ტუტანჰამონი ბიწორას დონთხოირეს
- ტუტანჰამონიშ ღურაშ ბაძაძეფი Archived 2018-08-27 ვებ-ხასჷლას Wayback Machine.
- ტუტანჰამონი
- ტუტანჰამონიშ რესტავრირაფილი სტელა
- მიქ ჸვილჷ ტუტანჰამონი? Archived 2009-08-02 ვებ-ხასჷლას Wayback Machine.
- ტუტანჰამონი. 1922-1923 წანეფიშ ფოტოგრაფია Archived 2009-01-24 ვებ-ხასჷლას Wayback Machine.
- ტუტანჰამონი - ღურაშ დო თელარაშ ეშაჩინებუეფი
- სენსაციაː ტუტანხამონი ქორთუ რე. Archived 2013-09-03 ვებ-ხასჷლას Wayback Machine.
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |