ვაგი

ვაგი
წყარმალუ ვაგი ნოღა პიეშტიანიშ გოხოლუას წყარმალუ ვაგიშ ღანჩო რუკას
დოხასიათაფა
სიგჷრძა	403 კმ
ღანჩოშ ფართობი	15,075 კმ²
წყარიშ ნადუ
ოდუდე	ჩე ვაგიშ დო უჩა ვაგიშ აკოართაფაშ აბანი
ინაკათუ	დუნაი
წყარმალუშ სისტემა	დუნაი → უჩა ზუღა
ქიანეფი, რეგიონეფი დო ნოღეფი
ქიანეფი	სლოვაკეთი
რეგიონეფი	ჟილინაშ აკანი, ტრენჩინიშ აკანი, ტრნავაშ აკანი, ნიტრაშ აკანი
ნოღეფი	ლიპტოვსკი ჰრადოკი, ლიპტოვსკი მიკულაში, რუჟომბეროკი, ვრუტკი, ჟილინა, ბიტჩა, პოვაჟსკა ბისტრიცა, პუხოვი, ილავა, დუბნიცა-ნად-ვაგომი, ნემშოვა, ტრენჩინი, ნოვე-მესტო-ნად-ვაგომი, პიეშტიანი, ჰლოჰოვეცი, სერედი, შალა, კოლაროვო, კომარნო

ვაგი (სლოვაკ. Váh, გერმ. Waag, უნგრ. Vág, პოლ. Wag) — წყარმალუ სლოვაკეთის, დუნაიშ კვარჩხანი ნადუ.

ვაგი იჭყაფჷ ჭიჭე წყარმალუეფიშ ჩე ვაგიშ დო უჩა ვაგიშ აკოართაფათ. თინეფი ოდუდეს ეთმეჭოფუნა მაღალი დო დაბალი ტატრეფიშ გვალეფს. ვაგი გიშმურს ოორუე დო ბჟადალი სლოვაკეთიშ ტერიტორიას დო ინაკათუ დუნაის, ნოღა კომარნოშ გოხოლუას.

უდიდაში ნადუეფი რე:

• კვარჩხანი: დემანოვკა, რევუცა, ლუბოჩნიანკა, ტურიეცი, რეიჩანკა, ნიტრა
• მარძგვანი: ბელა, ორავა, ვარინკა, კისუცა, ბიელა ვოდა, ვლარა, დუბოვა, დუდვაჰი, ჭიჭე დუნაი

ვაგიშ სიგინძა რე 403 კმ., ღანჩოშ ფართობიე 15,075 კვ.კმ.

წყარმალუ ვაგის იდვალუაფჷ 16 კაშხალი.

ქოძირით თაშნეშე

• სლოვაკეთიშ წყარმალუეფიშ ერკებული

რესურსეფი ინტერნეტის

• წყარმალუ ვაგი Wikimedia Commons-ის