ვაღურია

ვაღურია (ლათ. Portulaca) — ართწანიანი ჩანარეფიშ გვარი ვაღურიაშობურეფიშ ფანაიშე. ჩანარს გონთხაფილი ვარ-და წუმოკინელი, ჯინჯიშე დოჸალერი ხორცამი ღერი დო ფურცელეფი უღუ, უმოსო ჭიფე მასქურია ჸვინთელი პიოლეფით.

ჩანარიშ 100-შახ (შხვა მუნაჩემეფით 200-შახ) გვარობა გოფაჩილი რე ჟირხოლო გვერდოსფეროს ტროპიკეფს დო სუბტროპიკეფს. აფხვადუნა ტყას მაჩანეთ Portulaca oleracea, ნამუშ კულტურული ფორმეფიშ ფურცელეფს (კანკალეშა პიოლეფს) ორკვანალო გიმირინუანა. ძალამ უდუთხინაფუ ჟვერი რე. ვაღურია იკათუანს C ვიტამინს.

საქორთუოს დახე ირდიხას აფხვადუნა გვალაშ გიმენი ორტყაფუშ დოხორინელი აბანეფიშ გოხოლუას. ვაღურიაშ ჭყინტი ღერს დო ფურცელეფს წვანერო დო დაძმარებულო გიმირინუანა. დეკორატიული ჩანარო მოჸუნა არგენტინულ დ ბრაზილიურ Portulaca grandiflora-ს.

გალერეა

• 
  კულტურული ვაღურია
• 
  ვაღურიაშ დაძმარებული ღერეფი
• 
  ჟირფერამი ვაღურია
• 
  ვაღურია All Aglow
• 
  დიდპიოლამი ვაღურია
• 
  Portulaca amilis
• 
  Portulaca molokiniensis პიოლი
• 
  Portulaca grandiflora

ლიტერატურა

• ქორთული სხუნუეფიშ ენციკლოპედია, ტ. 3, ხს. 367, ქართი, 1978 წანა.