ვიტოლდ გომბროვიჩი
| ვიტოლდ გომბროვიჩი | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
კვირკვე 24, 1969 (64 წანერი) |
| ღურაშ აბანი: | |
| ერუანობა: | |
| საქვარუა: | |
| Magnum opus: |
|
| ჟანრი: | |
| ნინა: | |
| დებიუტი: |
ბაკაკაი (1933) |
| ჯილდოეფი: |
ფორმენტორიშ პრემია (1967) |
ვიტოლდ გომბროვიჩი (პოლ. Witold Gombrowicz; დ. 4 მარაშინათუთა, 1904, მალოშიცე, პოლონეთიშ ომაფე, რუსეთიშ იმპერია — ღ. 24 კვირკვე, 1969, ვანსი, საფრანგეთი) — პოლონარი ჭარუ, ნოველისტი დო დრამატურგი. თიში ნახანდეფი იხასიათებუ ტომბა ფსიქოლოგიური ანალიზით, პარადოქსული, აბსურდული დო ანტინაციონალისტური სენტიმენტეფით. 1937 წანას გიშართჷ გომბროვიჩიშ მაართა რომანქ ფერდიდურკე, სოდეთ ეჭარილი თემეფი ორხველჷ ახალნორდობაშ პრობლემეფს, იდენტობაშ გორჩქინას შხვეფიწკჷმა ურთიართალათ, პოლონური ჯარალუას დო კულტურას კლასობური როლეფიშ ირონიული დო კრიტიკული რკვიებეფას. გომბროვიჩიშ შხვა ნახანდეფიშე ეიოშინალი რე: რომანეფი — ტრანს-ატლანტიკი (1953), პორნოგრაფია (1960), კოსმოსი (1965) დო პიესა დიარა.
ვიტოლდ გომბროვიჩიქ პოპულარობა მიპალუ რინაშ ეკონია წანეფს დო ასე თინა მერჩქინელი რე პოლონური ლიტერატურაშ ართ-ართ უკაბეტაში ფიგურათ. გომბროვიჩიქ 1967 წანას მიპალუ ფორმენტორიშ პრემია. ოთხიშა რდჷ ნომინირაფილი ნობელიშ პრემიაშა.
დებადჷ ოფუტე მალოშიცეს, ნოღა ოპატუვიშ გოხოლუას. გურაფულენდჷ იურისპრუდენციას ვარშავაშ უნივერსიტეტის, ნამუთ 1927 წანას გათუ. უკულ გურაფა გაგინძორჷ პარიზიშ საირქიანო რკვიებეფიშ სკოლას. გურაფაშ თებაშ უკულ, პოლონეთიშა დირთჷ. ლიტერატურული კარიერა 1920-იანი წანეფიშე დიჭყჷ. ოდებიუტე ნახანდი - თხობელუეფიშ კათელი ბაკაკაი 1933 წანას გიმაბჟინუ.
1940-იან წანეფიშე გომბროვიჩი ბუენოს-აირესის ცხოვრენდჷ. 1947-1955 წანეფს მუშენდჷ ბანკირო. 1963 წანას გომბროვიჩიქ ევროპაშა დირთჷ. ეკონია პერიოდის ცხოვრენდჷ საფრანგეთიშ ნოღა ვანსის, სოდეთ დოღურჷ 1969 წანაშ 24 კვირკვეს, 64 წანერქ. დასაფულებური რე ვანსიშ სასაფლას.
ლიტერატურა[რედაქტირაფა | წყუშ რედაქტირაფა]
- William Whiteford, Witold Gombrowicz: A Biography (West Columbia, SC: CreateSpace Independent Publishing Platform, 2017)
რესურსეფი ინტერნეტის[რედაქტირაფა | წყუშ რედაქტირაფა]
- ოფიციალური ვებსაიტი
- ვიტოლდ გომბროვიჩი ენციკლოპედია ბრიტანიკას
- ვიტოლდ გომბროვიჩიშ არქივი