ვლადიმირ დემიხოვი
| ვლადიმირ დემიხოვი | |
| რუს. Владимир Петрович Демихов | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გერგობათუთა 22, 1998 (82 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჩინებული რე მუჭოთ: |
ორგანოეფიშ ტრანსპლანტაციაშ დუმარსხუაფალი |
| ჯილდოეფი დო პრემიეფი: | |
ვლადიმირ პეტრეშ სქი დემიხოვი (რუს. Владимир Петрович Демихов; დ. 31 კვირკვე [ჯვ.სტ. 18 კვირკვე], 1916 — ღ. 22 გერგობათუთა, 1998) — რუსი მენცარი, ორგანოეფიშ ტრანსპლანტაციაშ დუმარსხუაფალი.
დებადჷ ნოღა კულიკოვსკის, გლეხეფიშ ფანიას. მუმაქ რუსეთიშ ომენოღალე ლჷმას დუღურჷ დო უმოსი დიდა რდუნდჷ. დემიხოვიქ ახალნორდობაშე დეინტერესჷ მედიცინათ. თიშა არზუანობაშა დიდი გოლინა იღვენუ ივანე პავლოვიშ ექსპერიმენტეფქ.
დემიხოვიქ 1934 წანას გემშართჷ ვორონეჟიშ სახენწჷფო უნივერსიტეტიშა. 1937 წანას დემიხოვიქ გიმიგონჷ დო ჯოღორს ქინუდგჷ ხელუანური გური. ოპერაციაშ უკულ ჯოღორი ჟირი საათიშ გოძვენას ვაღურე. ვორონეჟიშ უნივერსიტეტიშ უკულ, დემიხოვიქ ოგურაფუშა გინილჷ მოსკოვიშ სახენწჷფო უნივერსიტეტიშა, სოდეთ ბიოლოგიას გურაფულენდჷ. უნივერსიტეტი დემიხოვიქ 1940 წანას გათუ.
დემიხოვი მონაწილენდჷ მაჟირა მოსოფელიშ ლჷმას. ლჷმაშ თებაშ უკულ, ომენცარე კარიერა კინ მოსკოვიშ უნივერსიტეტის გაგინძორჷ. 1947 წანაშე მუშენდჷ მოსკოვიშ ქირურგიაშ ინსტიტუტის. 1940-1950-იან წანეფს დემიხოვი ორთუდჷ ჩხოლარეფიშ გურიშ, ფიჟვიშ, ჭაჭაშ დო ჩხონჩხიშ ტრანსპლანტაციაშ ოპერაციეფს. ბრელი ჩხოლარი გინმასკიდუდჷ ოპერაციას დო დღალეფიშ დო მარეფიშ გოძვენას ცხოვრენდჷ. ართი ჯოღორქ, ნამუსჷთ დემიხოვიქ გური გინუნერგუ 1953 წანას, იცხოვრუ შკვითი წანა ტრანსპლანტაციაშ უკული.
1954 წანას დემიხოვიქ აკეთჷ მაართა ექსპერიმენტული კორონარული შუნტირაფაშ ოპერაცია.
დემიხოვი ფირქენდჷ ნამდა შილებედჷ ადამიერიშ ორგანოეფიშ ტრანსპლანტაცია ხოლო. დემიხოვიშ ჸათე პოზიციას მენცარეფი სკეპტიკურო უჯინედეს. 1954 წანას დემიხოვიქ აკეთჷ თიში არძაშე უმოსო შინელი ექსპერიმენტი: ართი ჯოღორს გინუნერგუ მაჟირა ჯოღორიშ დუდი. ჸათეცალი ექსპერიმენტეფიშ გეშა, თის ფშხირას აკრიტიკენდეს. დუდშე დემიხოვიშ ექსპერიმენტეფი რჩქინელი რდჷ ხვალე სსრრ-შ მასშტაბით. მარა 1950-იან წანეფიშე დემიხოვიქ გინირთჷ შინელი მენცარო მოსოფელს.
ბრელი ურცხოალი მენცარი გილეშჷ დემიხოვიშა. გურაფულენდეს თიში იდეეფს დო ინოვაციეფს. ართ-ართი ჸათეცალი მენცარი დო ექიმი რდჷ ობჟათე აფრიკალი ქირურგი კრისტიან ბარნარდი. ბარნარდიქ ჟირშა იძირუ დემიხოვიშ ლაბორატორია მოსკოვს, 1960 დო 1960 წანეფს. ბარნარდიქ, დემიხოვიშ ექსპერიმენტეფიშ გოლინათ დერწუმჷ ნანდა ადამიერიშ გურიშ ტრანსპლანტაცია რეალური რდჷ. ბარნარდი დემიხოვს გურიშ დო ფიჟვიშ ტრანსპლანტაციაშ მუმას უძახუდჷ.
ვლადიმირ დემიხოვიქ ღურუ 1998 წანაშ 22 გერგობათუთას, 82 წანერქ, ანევრიზმათ.
ლიტერატურა
[რედაქტირაფა | წყუშ რედაქტირაფა]- Shumacker, H. B. (October 1994). „A surgeon to remember: notes about Vladimir Demikhov“. The Annals of Thoracic Surgery 58 (4): ხს. 1196–1198.
რესურსეფი ინტერნეტის
[რედაქტირაფა | წყუშ რედაქტირაფა]- დემიხოვიშ ბიოგრაფია
- ნეკროლოგი ნიუ-იორკ თაიმსის