კრისტიან ბარნარდი
| კრისტიან ბარნარდი | |
| Christiaan Barnard | |
 კრისტიან ბარნარდი 1969 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ეკენია 2, 2001 (78 წანერი) |
| ღურაშ აბანი: |
პაფოსი, კვიპროსი |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
კრისტიან ნეტლინგ ბარნარდი (ინგლ. Christiaan Neethling Barnard; დ. 8 გერგობათუთა, 1922, ბოფორტ-უესტი, კაპიშ პროვინცია, ობჟათე აფრიკაშ რსხუ — ღ. 2 ეკენია, 2001, პაფოსი, კვიპროსი) — ობჟათე-აფრიკალი ექიმი, კარდიოქირურგი დო ტრანსპლანტოლოგი.
ბიოგრაფია[რედაქტირაფა | წყუშ რედაქტირაფა]
კრისტიან ნეტლინგ ბარნარდიქ დებადჷ 1922 წანაშ 8 გერგობათუთას, ნოღა ბოფორტ-უესტის, ობჟათე აფრიკას. გურაფულენდჷ კეიპტაუნიშ უნივერსიტეტის დო მინესოტაშ უნივერსიტეტის (ააშ). 1958 წანას დირთჷ ობჟათე აფრიკაშა დო ერჩის კეიპტაუნიშ გროოტ-შურიშ ჰოსპიტალიშ ექსპერიმენტალურ ქირურგიაშ დეპარტამენტიშ უნჩაშო. 1967 წანაშ 3 ქირსეთუთას, კრისტიან ბარნარდიქ აკეთჷ გურიშ ტრანსპლანტაციაშ მაართა ოპერაცია, დონორიშ დენიზ დარვალიშ გური გინუნერგჷ 54 წანერ ლუის ვოშკანსკის, ნამუქით ოპერაციაშ 18 დღაშ უკულ დოღურჷ. გურიშ ტრანსპლანტაციაშ მაჟია ოპერაცია ბარნარდიქ აკეთჷ 1968 წანაშ დაჭყაფუს. პაციენტი რდჷ 59 წანერ ობჟათე აფრიკალი დანტისტი ფილიპ ბლაიბერგი. ბლაიბერგიქ გინასქიდჷ ოპერაციას დო ოპერაციაშ უკულ ცხოვრენდჷ 19 თუთას დო 15 დღას. გურიშ ტრანსპლანტაციაშ უკულ პაციენტეფ უმოსო ღურუდჷ. ახალ იმუნოსურპრესორიშ ციკლოსპორინიშ მეღებაშ უკულ, ოპერაციაშ შედეგეფქ ხოლო გეუჯგუშუ. კრისტიან ბარნარდი ოპერაციეფს და ტრანსპლანტაციეფს ორთუდჷ 1983 წანაშა. ბარნარდის ხელეფს ქაღოლჷ რეუმატოიდულ ართრიტიქ დო სამედიცინო პრაქტიკაქ ხოლო მიოტებელქაუ. ქირურგიულ კარიერაშ თებაშ უკულ კრისტიან ბარნარდიქ ავსტრიას დარსხუ კრისტიან ბარნარდიშ ასოციაცია, ნამუთ ოხვარუდჷ ბაღანეფს დო აფინანსენდჷ. ბარნარდიქ ღურუ 2001 წანაშ 2 ეკენიას, კვიპროსიშ ნოღა პაფოსის.
წინგეფი[რედაქტირაფა | წყუშ რედაქტირაფა]
კრისტიან ბარნარდი შხვადოშხვა წინგეფიშ ავტორი რე. გიშაშქჷ ჟირ ავტობიოგრაფიულ წინგი. მაართა ავტობიოგრაფიაქ One Life გიშართჷ 1969 წანას. მაჟია ავტობიოგრაფიაქ The Second Life გიშართჷჷ 1993 წანას. შხვა ომენცარე დო სამედიცინო წინგეფი რე:
- The Donor
- Your Healthy Heart
- In The Night Season
- The Best Medicine
- Arthritis Handbook: How to Live With Arthritis
- Good Life Good Death: A Doctor's Case for Euthanasia and Suicide
- South Africa: Sharp Dissection
- 50 Ways to a Healthy Heart
- Body Machine
ლიტერატურა[რედაქტირაფა | წყუშ რედაქტირაფა]
- Cooper, David (2017). Christiaan Barnard – The surgeon who dared: The story of the first human-to-human heart transplant. Fonthill Media.
რესურსეფი ინტერნეტის[რედაქტირაფა | წყუშ რედაქტირაფა]
