ზიგმუნტ კრასინსკი
| ზიგმუნტ კრასინსკი | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ფურთუთა 23, 1859 (47 წანერი) |
| ღურაშ აბანი: |
პარიზი, საფრანგეთი |
| ერუანობა: | |
| საქვარუა: | |
| პერიოდი : |
1820-იანი – 1859 |
| Magnum opus: |
|
| ჟანრი: |
დრამა, ლირიკა |
| ნინა: | |
|
| |
ნაპოლეონ სტანისლავ ადამ ფელიქს ზიგმუნტ კრასინსკი (პოლ. Napoleon Stanisław Adam Feliks Zygmunt Krasiński; დ. 19 ფურთუთა, 1812, პარიზი, საფრანგეთი — ღ. 23 ფურთუთა, 1859, პარიზი, საფრანგეთი) — პოლონარი პოეტი, ჭარუ, დრამატურგი დო ფილოსოფოსი.
ბიოგრაფია[რედაქტირაფა | წყუშ რედაქტირაფა]
ზიგმუნტ კრასინსკიქ დებადჷ პარიზის პოლონარი პოლიტიკური აქტივისტიშ, ოურდუმე ლიდერიშ ვინცენტი კრასინსკიშ დო მარია ურსულა რაძივილიშ ფანიას. ზიგმუნტის დიდაქ ადრე დუღურჷ დო უმოსო მუმა რდუნდჷ. გურაფულენდჷ ვარშავაშ ლიცეუმს, ნამუთ გათუ 1827 წანას. უკულ გურაფა გაგინძორჷ ვარშავაშ იმპერიულ უნივერსიტეტის, სოდეთ იურისპრუდენციას დო ადმინისტრაციას გურაფულენდჷ. ზიგმუნტი უნივერსიტეტიშე 1829 წანას გეგშაჸათეს.
1829 წანას კრასინსკიქ პოლონეთი ქიდიტუ დო ოგურაფუშა ჟენევაშა მიდართჷ. ჸათაქ თიქ გეჩინებაფუ გიშარჩქინელი პოლონარი პოეტი ადამ მიცკევიჩი. მიცკევიჩიქ დიდი გოლინა იღვენუ კრასინსკიშა. რომიშ რინაშ ბორჯის, კრასინსკიქ პოლონეთიშ გერგობათუთაშ არყებაშ ამბე ქიგეგჷ დო ოკოდ პოლონეთიშა დორთინა. კრასინსკი ღურაშახ ევროპას ცხოვრენდჷ. შარალენდჷ ევროპაშ შხვადოშხვა ქიანეფს. კრასინსკიქ ევროპაშ რინაშ ბორჯის ჭარუ არძა მუში შინელი ნახანდეფი. კრასინსკიშ არძაშე უმოსო პოპულარული ნახანდი რე პიესა "ვაღორონთიელი კომედია", ნამუქჷთ იჭარჷ 1833 წანას დო გიშართჷ ჟირ წანაშ უკული, 1835 წანას. პიესაშ თარი თემა რე სოციოპოლიტიკური კონფლიქტი არისტოკრატიაშ დო დემოკრატიაშ შქას. 1836 წანას გიშართჷ პიესაქ "ირიდიონი". ირიდიონიქ ვარშავაშ თეატრის დიდგჷ 1913 წანას. 1845 წანას კრასინსკიქ გჷმაბჟინუ "მუმალიშ ფსალმუნეფი". კრასინსკიშ ნაჭარეფიშ თარი თემეფიე: კონსერვატიზმი, ქირსიანობა, მორალური პროგრესი, პროვიდენციალიზმი დო შხვეფი. კრასინსკიშ ნაჭარეფი იკათუანს ანტისემიტურ მოტივეფს ხოლო. კრასინსკი მუშ ნახანდეფს ანონიმურო გიშმაშქვანდჷ. ჸათეშ გეშათ თის პოლონეთიშ ანონიმი-პოეტის ხოლო უძახჷდეს.