ზუგდიდიშ მაჟირა ოჯარე სკოლა
ზუგდიდიშ მ. კოსტავაშ ჯოხონობაშ მაჟირა ოჯარე სკოლაქ დირსხუ 1938 წანას ზუგდიდის, ნამუსჷთ თი ჟამს ჯოხოდჷ ზუგდიდიშ №2 ოშქაშე სკოლა. თიში მაართა დირექტორი რდჷ იოსებ ქირია. უკული თიქ გინიქიმინჷ ბოშეფიშ სკოლათ დო ათე ჯოხოთ რდჷ 1955-1956 ოგურაფალი წანაშ დოჭყაფაშახ. ოგურაფუ 1956 წანაშე ფუნქციონირენდჷ ზუგდიდიშ მაჟირა ოშქაშე სკოლაშ ჯოხოთ. 1958 წანაშ მარაშნათუთას სკოლას ლენინურ კომრსხუშ ჯოხოქ ქიმიაჩჷ დო ჯოხოდჷ ზუგდიდიშ ლენინური კომრსხუშ ჯოხონობაშ №2 ოშქაშე სკოლა.
სკოლაშ მაართა დირექტორი თირუ ალიოშა ხუბუაქ, უკულ ქიგედირთჷ ეფემ კვირტიაშ ხემანჯღვერუაშ პერიოდიქ, ეფემ კვირტია დოთირუ იასონ ურიდიაქ. ბოშეფიშ სკოლას დირექტორენდჷ გიგლა ჯვებენავა. №2 ოშქაშე სკოლაშ დირექტორეფი რდეს: ამბაკო ჭითანავა, ჩხოლარია გოგოლა, ციალა ქირია, ქეთინო სიგუა, ზამირა ღადუა, მარინე ქარცხია. ათეჟამო დირექტორიე ნინო ბულია.
1989 წანას სკოლას მიაჩჷ ქორთუეფიშ ერუანუალი გერგეზიშ მერაბ კოსტავაშ ჯოხოქ, 1994 წანაშე რეორგანიზაფილქ იჸუ მერაბ კოსტავაშ ჯოხონობაშ გიმნაზიათ.
სკოლას 2006 წანას გონათაფაშ დო მენცარობაშ სამინისტროქ ედომუშამ რეაბილიტაცია უღლუ, ნამუთ ევროპულ სტანდარტეფს ედომუშამო ობაღინუანს.
სკოლაშ ნარდეფი
[რედაქტირაფა | წყუშ რედაქტირაფა]- ნონა გაფრინდაშვილი (დ. 3 მესი, 1941, ზუგდიდი) — ქორთუ მოჭარდაკე, ოსურეფ შქას მოსოფელიშ მაამშვა ჩემპიონი (1962-78). მოსოფელიშ ხუთშარაშ ჩემპიონი (1962-1978). ოერეფოშქაშე დიდორსანტი ოსურეფ (1976) დო ბოშეფ (1978) შქას. სპორტიშ დაოინალაფირი ორსანტი (1964). 1982 წანაშ ოჭარდაკე ოსკარიშ მაღვენჯი. ფიდეშ ოსურეფიშ კომისიაშ დუდმახვენჯი (1980-1986). საქორთუოშ ერუანული ოლიმპიური კომიტეტიშ მაართა პრეზიდენტი (1989-1996).1996 წანაშე თიში ოპატიე პრეზიდენტი. საქაორთუოშ ფიზიკური კულტურაშ დო სპორტიშ დოინალაფირი მოღალე (1981). მუშ მოითირიშ უნძალიერაში მოჭარდაკე ოსური.
- კიაზო ნადარეიშვილი – საქორთუოშ მენცარობეფიშ აკადემიაშ მაკათური, აკადემიკოსი, მედიცინაშ მენცარობეფიშ დოქტორი, პროფესორი.
- თამთა შედანია – "Elite Model Look International 2007" – წანაშ გომორძგვილი.
ლიტერატურა
[რედაქტირაფა | წყუშ რედაქტირაფა]- „ჩვენი გიმნაზია“, ქსუ ზუგდიდიშ ფილიალიშ გჷშმაშქუმალარობა, 1998