თარგი:დღაშ მოლინეფი:07-19

711 : მუსლიმეფქ, ტარიქ იბნ ზიადიშ დუდალათ, გიორჯგინეს ვესტგუთეფს. არაბეფქ პირენეშ ჩქონი ქჷდიჸუნუეს.

1544 : იტალიური ლჷმეფი — ბულონიშ ქართაქ დიჭყჷ.

1692 : სალემიშ მაზაკვალეფიშ ოლოლოია — ხუთი ოსური გექთაშქვიდუეს მაზაკვალობაშენ სალემს, მასაჩუსეტსი.

1799 : მიოგორუეს როზეტიშ ქუას, ნამშ მეშქაშობათ შილებუანქ იჸუ ჯვეშეგვიპტური ნინაშ გოშიფრუაქ.

1870 : ესპანეთიშ მონარქიშ ხვისტაშე ისაბელა II-აშ (სურათის) გინორინაფაშ უკული, ახალ კანდიდატშენ უკურაგადუაშ გეშე საფრანგეთიქ ლჷმა გეგმუცხადჷ პრუსიას.

1976 : ნეპალს საგარმატხაშ ეროვნული პარკიქ გიჭყჷ.

1979 : ნიკარაგუას სანდინისტეფქ სომოსაშ ფანიაშ ხემანჭუალაშ გითოხუაფაშ ღანკით აშონთაფა მანწყუეს.