თორნტონ უაილდერი
| თორნტონ უაილდერი ინგლ. Thornton Wilder | |
 თორნტონ უაილდერი 1920 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ქირსეთუთა 7, 1975 (78 წანერი) |
| ღურაშ აბანი: |
ჰამდენი, კონექტიკუტი, ააშ |
| ერუანობა: | |
| საქვარუა: | |
| Magnum opus: |
სან ლუის რეიშ ხიდე (1927) |
| ნინა: | |
| ჯილდოეფი: |
პულიცერიშ პრემია ლიტერატურას (1927) |
თორნტონ ნივენ უაილდერი (ინგლ. Thornton Niven Wilder; დ. 17 პირელი, 1897, მადისონი, ვისკონსინი, ააშ — ღ. 7 ქირსეთუთა, 1975, ჰამდენი, კონექტიკუტი, ააშ) — ამერიკალი ჭარუ, ნოველისტი დო დრამატურგი. შინელი რე რომანეფით "სან ლუის რეიშ ხიდე" დო "მაბრუო დღა", თაშნეშე პიესეფით "ჩქინი ნოღა" დო "ჩქინი კიბირეფიშ კანი". უაილდერი რდჷ პულიცერიშ პრემიაშ ლაურეატი.
ბიოგრაფია
[რედაქტირაფა | წყუშ რედაქტირაფა]თორნტონ უაილდერიქ დებადჷ 1897 წანაშ 17 პირელს, ვისკონსინიშ შტატიშ ნოღა მადისონს. გურაფულენდჷ ობერლინიშ კოლეჯის, უკულ გურაფა გაგინძორჷ იელიშ უნივერსიტეტის, სოდეთ მიპალუ ხელუანობეფიშ ბაკალავრიშ ხარისხი. იელიშ უკულ ფრინსთონიშ უნივერსიტეტიშა გეგნორთჷ, სოდეთ 1926 წანას მიპალუ მაგისტრიშ ხარისხი ფრანგულ ლიტერატურას. გურაფაშ თებაშ უკული უაილდერიქ იტალიაშა მიდართჷ დო არქეოლოგიას გურაფულენდჷ. უაილდერიქ მაართა რომანი "კაბალა" გჷმაბჟინუ 1926 წანას. 1927 წანას გიშართჷ უაილდერიშ არძაშე უმოსო ჩინებულ რომანქ "სან ლუის რეიშ ხიდე", ნამუქჷთ ავტორს დიდი პოპულარობა მუღუ. ჸათე ნახანდიშ გეშა უაილდერს გინოჩეს პულიცერიშ პრემია 1928 წანას. 1930-1937 წანეფს უაილდერი მუშენდჷ ჩიკაგოშ უნივერსიტეტის. 1938 წანას უაილდერიქ მიპალუ პულიცერიშ პრემია მაჟიაშა. პრემიაქ მიაჩჷ პიესაშო "ჩქინი ნოღა". 1943 წანას უაილდერიქ მასუმაშა მიპალუ პულიცერიშ პრემია, პიესაშ "ჩქინი კიბირეფიშ კანი"-შ გეშა.
მაჟირა მოსოფელიშ ლჷმაშ ბორჯის უაილდერი მსახურენდჷ ამერიკაშ არმიას. ლჷმაშ თებაშ უკული მუშობა ქიდიჭყჷ ჰარვარდიშ უნივერსიტეტიშ პროფესორო. 1957 წანას უაილდერის გინოჩეს გერმანული წინგიშ ვაჭრუაშ შვიდობაშ პრემია, 1963 წანას დუდიშალაშ ოპრეზიდენტე მენდალი. 1968 წანას უაილდერის, ერუანული წინგიშ ფონდიქ გინოჩჷ წინგიშ ერუანული პრემია, რომანი "მაბრუო დღა"-შ გეშა.
თორნტონ უაილდერი რდჷ შხვადოშხვა ნათანგეფიშ ავტორი. ინგლისურო გინოთანგჷ ფრანგი დრამატურგეფიშ ანდრე ობეშ დო ჟან-პოლ სარტრიშ პიესეფი.
რესურსეფი ინტერნეტის
[რედაქტირაფა | წყუშ რედაქტირაფა]
- ოფიციალური ვებ-ხასჷლა
- თორნტონ უაილდერიშ ჯარალუა
- თორნტონ უაილდერი — Find a Grave-ს
- ბიოგრაფიული ფაქტეფი
- Thornton Wilder Papers, Yale Collection of American Literature. Beinecke Rare Book and Manuscript Library.
- Thornton Wilder Collection. Yale Collection of American Literature, Beinecke Rare Book and Manuscript Library.
- Finding aid to Thornton Wilder letters at Columbia University. Rare Book & Manuscript Library.