თურქეთ-სირიაშ დიხაშნწალუეფი (2023)
თურქეთ-სირიაშ დიხაშნწალუეფი (თურქ. 2023 Gaziantep-Kahramanmaraş depremleri) — ჟირი ჸონიერი დიხაშნეალუა 2023 წანაშ 6 ფურთუთას თურქეთიშ ობჟათე დო ცენტრალურ ნორთის.
პირველი დიხაშნწალუა, ნამუსჷთ თურქეთის დო სირიას მასშტაბური აკოცჷმაქ მაჸუნუნ, ნოღა გაზიანთეფიშ გოხოლუას, ოჭმარეშ 04:17 სათის დეფიქსირჷ. დიხაშნწალუაქ ინტენსიურალაშ მერკალიშ სკალათ იფასჷნ, მუჭოთ IX დონეშ („კონწარი“), ნამუშ სიჸონიერე 7,8 მაგნიტუდა რდჷ. დიხაშნწალუა თურქეთის დჷნაფიქსირაფეფს შქას ართ-ართი არძაშე ჭყანიერი რდჷ (1939 წანაშ ერზინჯანიშ დიხაშნწალუაწკჷმა ართო), მარა ორჩანიე რე, ნამჷ-და 1668 წანაშ ანატოლიაშ დიხაშნწალუა ხოლო უმოს ჸონიერი რდჷნ.[1][2][3] დიხაშნწალუას მაჸუნჷ ანდა აფტერშოკიქ (გეჸვენჯ ბიჯგეფქ), ნამუეფს შქას არძაშე ჸონიერი რდჷ 6,7 მაგნიტუდათ. მაჟირა დიხაშნწალუაქ დეფიქსირჷ პირველიშ უკული 9 სათშა, თურქეთიშ ბორჯით 13:24 სათის; მაჟირა დიხაშნწალუაქ მერკალიშ სკალათ იფასჷნ, მუჭოთ IX დონეშ („კონწარი“), ნამუშ სიჸონიერე რდჷ 7,5 მაგნიტუდა. დიხაშნწალუეფიშ შედეგო გოჭყორდჷ 47 480 ადამიერშე უმოსიქ, დეღამაკჷ — 122 500-შე უმოსიქ.[4]
დიხაშნწალუაშ შედეგეფშა რეაგირაფაშ სამუშეფს ოკათჷ საქორთუოშ დინოხოლენ საქვარეფიშ სამინისტრეშ ოგანაგე სიტუაციეფიშ მართუაშ ნინალაშ გიშაკერზაფილ სიტუაციეფშა რეაგირაფაშ 100 მედაჩხირე-მახვარე, თაშნეშე ომანგე ომახვარე მონწყილობა დო ტექნიკა. [5]
სქოლიო
[რედაქტირაფა | წყუშ რედაქტირაფა]- ↑ Manih, Niha (5 February 2023). Quake could be 'largest' ever in the region, one expert says. The Washington Post. კითხირიშ თარიღი: February 5, 2023.
- ↑ https://www.bbc.com/news/world-europe-64533851
- ↑ “Timeline: Turkey hit by most devastating earthquake since 1999“, Al Jazeera, 6 February 2023. კითხირიშ თარიღი: February 6, 2023.
- ↑ თურქეთსა და სირიაში მიწისძვრის მსხვერპლთა რიცხვმა 17 000-ს გადააჭარბა (ka) (2023-02-08). კითხირიშ თარიღი: 2023-02-08.
- ↑ შსს Archived 2023-02-06 ვებ-ხასჷლას Wayback Machine.
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |