იანოშ კადარი

	იანოშ კადარი; Kádár János
	; იანოშ კადარი 1977 წანას
უნგრეთიშ სოციალისტური მოხანდეეფიშ პარტიაშ გენერალური მელამოსე
პოსტის გერინაშ ბორჯი
	25 გერგობათუთა, 1956 – 22 მესი, 1988
წიმოხონი	ერნე გერე
მონძე	კაროი გროსი
უნგრეთიშ ოკათე რესპუბლიკაშ მინისტრეფიშ სხუნუშ დუდმახვენჯი
პოსტის გერინაშ ბორჯი
	13 ეკენია, 1961 – 30 მანგი, 1965
წიმოხონი	ფერენც მიუნიხი
მონძე	დიულა კალაი
პოსტის გერინაშ ბორჯი
	4 გერგობათუთა, 1956 – 28 ღურთუთა, 1958
წიმოხონი	იმრე ნადი
მონძე	ფერენც მიუნიხი
დინახალენი საქვარეფიშ მინისტრი
პოსტის გერინაშ ბორჯი
	5 მარაშინათუთა, 1948 – 23 მანგი, 1950
პრემიერ-მინისტრი	ლაიოშ დინიეში; იშტვან დობი
წიმოხონი	ლასლო რაიკი
მონძე	შანდორ ზიოლდი
ნაღურა	6 კვირკვე, 1989 (77 წანერი); ბუდაპეშტი, უნგრეთიშ ოკათე რესპუბლიკა
ნთხორუ აბანი	კერეპეში
მენოღალობა	უნგრეთი
ერუანობა	უნგრალი
პოლიტიკური პარტია	უნგრეთიშ კომუნისტური პარტია (1931-1948); უნგრეთიშ მოხანდეეფიშ პარტია (1948-1956); უნგრეთიშ სოციალისტური მოხანდეეფიშ პარტია (1956-1989)
ალმასქუ	მარია ტამაშკა
ჯილდოეფი	სოციალისტური ხანდაშ გერგეზი (1962, 1972, 1982); სხუნუეფიშ რსხუშ გერგეზი (1964); იუგოსლავიაშ მურიცხიშ ორდენი (1964); ლენინიშ ორდენი (1964, 1972, 1982); ლენინიშ თინჩალაშ პრემია (1977); კლემენტ გოტვალდიშ ორდენი (1982); გჷმათუთაშ რევოლუციაშ ორდენი (1987)

იანოშ კადარი (უნგრ. Kádár János, დ. 26 მესი, 1912 — ღ. 6 კვირკვე, 1989), დაბადებაშ გვარი ჩერმანეკი — უნგრალი კომუნისტი პოლიტიკოსი, უნგრეთიშ სოციალისტური მოხანდეეფიშ პარტიაშ გენერალური მელამოსე 32 წანაშ გოძვენას, 1956-1988 წანეფს.

კადარიქ კომუნიზმით ორდოიანი წანეფიშე დეინტერესჷ დო ქაკათჷ უნგრეთიშ კომუნისტური პარტიაშ ახალნორდული ორგანიზაციას. მალას კადარიქ პარტიაშ დინახალე პოპულარობა მიპალუ დო გინირთჷ პარტიაშ მაართა მელამოსეთ. მაჟირა მოსოფელიშ ლჷმაშ უკულ, უნგრეთის, ხეშუულება ხეშა ქაშეჸოთეს კომუნისტეფქ. კადარი 1948-1950 წანეფს ნინალენდჷ უნგრეთიშ დინახალენი საქვარეფიშ მინისტრო. 1951 წანას მატიაშ რაკოშიშ თარობაქ კადარი ოჭოფუ დო ჯიხას ქუდახუნუ. 1954 წანას, რეფორმისტი იმრე ნადიშ თარობაქ კადარი ჯიხაშე გადუდიშულჷ. დუდშე კადარის ნადიწკჷმა ნორმალური ურთიართალა უღჷდჷ დო თიში ადმინისტრაციაწკჷმა წოროხანდენდჷ. მარა უკულ, უნგრეთიშ რევოლუციაშ მიმალობაშ ბორჯის, მუჟამსჷთ ნადიქ ვარშავაშ პაქტიშე უნგრეთიშე გიშულა მითხუნჷ, თიქ (კადარიქ) ნადის ხუჯი ვადუკინჷ. სხუნუეთიშ ჯარეფიშ ავღანეთიშა მიშაჭკირუაშ უკულ, სხუნუეფქ ხეშუულებაშა კადარი ქიმიჸონეს. ხეშუულებაშა მულაშ უკულ კადარიქ ნადი დაჸვილაფუ.

კადარიშ მართუალაშ ბორჯის, უნგრეთიქ გაუჯგუშჷ ურთიართალა ბჟადალიშ ქიანეფიწკჷმა დო შანულამო ქიმიძინჷ საირქიანო ვაჭარუაქ თინეფიწკჷმა. კადარი ოცადუდჷ ეკონომიკაშ ლიბერალიზაციას. გორჩქინდჷ ობაზარე ეკონომიკაშ ელემენტეფქ. შედეგო, გეუჯგუშჷ უნგრალეფიშ ცხოვრებაშ სტანდარტიქ. კადარიშ ეკონომიკური რეფორმეფი შინელი რდჷ მუჭოთ კადარიზმი (მაჟიანერო - გულიაშიშ კომუნიზმი).

ქოძირით თაშნეშე

კადარიზმი

ლიტერატურა

ენციკლოპედია ბრიტანიკა