კომუნიზმი
კომუნიზმი — ჯარალობურ წკარუა, ნამუთ გერსხუ წარმებაშ მეშქაშობეფიშ ართამ დორხველობას ჸოფურობას. პოლიტიკურ იდეოლოგია ვარ-და ფილოსოფიურ გემაჸვენჯობა, ნამუთ უხუჯანს თეჯგურა ჯარალობურ წკარუას. თიშ იდეოლოგიურ გჷმაჭყაფალო იკოროცხუ გერმანალ ფილოსოფოს კარლ მარქსი. კომუნიზმ თაშნეშე გიმირინუაფუ კომუნისტურ იდეოლოგიაშ მაღელ პოლიტიკურ ყარაფეფშოთ.
XX ოშწანურას, დუდგჷმოცხადაფილ კომუნისტურ პოლიტიკურ ნძალეფი, ხეშუულებას რდეს მოსოფელიშ ანდა ქიანას, თინეფს შქას 1917 წანაშ რუსეთიშ რევოლუციაშ უკულ სხუნუეფიშ რსხუ, ნამუთ რგილ ლჷმაშ ბორჯის რდჷ, სოციალისტურ კარეშ მადუდე დო ამერიკაწკჷმა იკოროცხუდჷ ართ-ართ ჟისახენწჷფოთ. 1980-იან წანეფშო, მოსოფელიშ მახორობაშ დოხოლაფირო ართ ნასუმორ კომუნისტურ ჟისახენწჷფოს ოხორანდჷ. სხუნუეფიშ რსხუშ აკოცჷმაშ უკული, კომუნიზმიშ პოზიციეფქ მოსოფელს უწაიათ დედაღარჷ.
ასეშა გჷმოხანტილ კომუნისტურ გამაგალა რე ჩინეთის, ვიეტნამს, ლაოსის დო კუბას. ართ-ართ ეკონია, ნამუქჷთ კომუნისტურ მართუალაშე ვარია თქჷნ, ოორუე კორეა რდჷ, სოდე 2009 წანას, კონსტიტუციაშე ოფიციალურო გეშეღეს კომუნიზმი, მუჭოთიდეოლოგია.[1]
მარქსიშ მჯინათ, კაპიტალისტურ სისტემაშე კომუნიზმშა გინულა იმანჯებუ წოროგეჸვენჯ, გინმალ პერიოდიშ მუკულათ. თე რზა გიშაგორილ აფჷდეს რინელ კომუნისტურ რეჟიმეფიშ უმენტაშობას, მორო კომუნისტურ ეპოქაშა მიშულა ვამანჯებე აკა თინეფშა.
კომუნისტეფქ გოთანჯილ სიჸონიერას მიოჭირინეს ბჟადალ ევროპაშ ქიანეფს. ევროკომუნიზმ რე ტერმინი, ნამუთ 1970–იან წანეფშე გჷმირინუაფუდჷ ევროპალ კომუნისტეფშოთ, ნამუეფჷთ ედომუშამო ვარ-და ნორთობურო გიშმეხურგუდეს სხუნუეფიშ რსხუშე. კომუნისტურ ყარაფ თაშნეშე ძალამ ჸონიერ რდჷ ლათინურ ამერიკას.
სქოლიო
[რედაქტირაფა | წყუშ რედაქტირაფა] |
თე სტატია პოლიტიკაშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |
| ||||||||||||||||||||||||||||||||||||||||||||
