ნოღა (იაპონ. 市, სი) — იაპონიაშ მუნიციპალურ დონეშ ადმინსიტრაციულ ართული. დაბეფშე დო ოფუტეეფშე გინორთი, ნოღეფ ვენშმულა იაპონიაშ მაზრეფიშ აკოდგინალუაშა დო ბონას დოჸუნა პრეფექტურეფს. ნოღაშ სტატუს გოთანჯილ რე 1947 წანაშ „იაპონიაშ კანონით აბანურ დუდმართუალაშ გეშა“.[1][2]
ნოღაშ სტატუსიშ მეღება შეულებჷნა დოხორელ პუნქტეფს, თინეფიშ მახორობაშ მუდანობა 50 ვითოშ ადამიერშე უმოს ქორე-და, დოხორელ პუნქტ მიოდინუანს თე სტატუსის, მახორობაშ მუდანობაქ 50 ვითოშშე მერკექ ქიუ-და. იაპონიაშ არძაშე მერკეთ დოხორელ ნოღა — უტასინაის — გვალო 6 ვითოშ ადამიერ ოხორანს, მუჟანსჷთ კჷნ თი პრეფექტურაშ ართ-ართ დოხორელ პუნქტის — ოტოფუკეს — 40 ვითოშშახ მახორუ ოხორანსჷნ.
