დინორეშა გინულა

იაროსლავ ჰეიროვსკი

ვიკიპედიაშე
იაროსლავ ჰეიროვსკი
ჩეხ. Jaroslav Heyrovský
დაბადებაშ თარიღი:

20 ქირსეთუთა, 1890

დაბადებაშ აბანი:

პრაღა, ბოჰემიაშ ომაფე, ავსტრია-უნგრეთიშ იმპერია

ღურაშ თარიღი:

მელახი 27, 1967 (76 წანერი)

ღურაშ აბანი:

პრაღა, ჩეხოსლოვაკია

მენოღალობა:

ჩეხოსლოვაკიაშ შილა ჩეხოსლოვაკია

ომენცარე სფერო:

ანალიზური ქიმია, პოლაროგრაფია

სამუშაშ აბანი :

კარლიშ უნივერსიტეტი

ალმა-მატერი:

კარლიშ უნივერსიტეტი
ლონდონიშ ოუნივერსიტეტე კოლეჯი

ომენცარე ხემანჯღვერი:

უილიამ რამზაი

ჯილდოეფი დო პრემიეფი:

ნობელიშ პრემია ქიმიას (1959)

იაროსლავ ჰეიროვსკი (ჩეხ. Jaroslav Heyrovský; დ. 20 ქირსეთუთა, 1890, პრაღა, ბოჰემიაშ ომაფე, ავსტრია-უნგრეთიშ იმპერია — ღ. 27 მელახი, 1967, პრაღა, ჩეხოსლოვაკია) — ჩეხოსლოვაკი ქიმიკოსი, პოლაროგრაფიული მეთოდიშ, ანალიზიშ ელექტროქიმიური მეთოდიშ დუმარსხუაფალი, 1959 წანას გინოჩეს ნობელიშ პრემია ქიმიაშ დარგის ანალიზიშ პოლაროგრაფიული მეთოდიშ გოვითარაფაშ გეშა. გურაფულენდჷ ქიმიას, ფიზიკას დო მათემატიკას პრაღაშ კარლიშ უნივერსიტეტის. 1910-1914 წანეფს გურაფულენდჷ ლონდონს, ლონდონიშ ოუნივერსიტეტე კოლეჯის პროფესორეფიშ უილიამ რამზაიშ დო ფრედერიკ ჯორჯ დონანიშ ხემანჯღვერობათ. გურაფაშ თებაშ უკულ მუშენდჷ კარლიშ უნივერსიტეტიშ ანალიზური ქიმიაშ ინსტიტუტის, ასისტენტო. ჰეიროვსკი 1922 წანაშე რდჷ კარლიშ უნივერსიტეტიშ ასოცირებული პროფესორი დო 1926 წანაშე პროფესორი. რდჷ ლონდონიშ ომაფე საზოგადოებაშ მაკათური. იაროსლავ ჰეიროვსკიქ ღურუ 1967 წანაშ 27 მელახის. ნთხორილი რე ვიშეგრადიშ სასაფლას, პრაღას. ჰეიროვსკიშ ჯოხონობაშ რე ართ-ართი კრატერი თუთას.

რესურსეფი ინტერნეტის[რედაქტირაფა | წყუშ რედაქტირაფა]