იბნ ალ-ჰაისამი
| იბნ ალ-ჰაისამი | |
| არაბ. أبو علي الحسن بن الحسن بن الهيثم | |
 | |
| დაბადებაშ თარიღი: |
დოხოლაფირო 965 |
|---|---|
| დაბადებაშ აბანი: | |
| ღურაშ თარიღი: |
დოხოლაფირო 1040 (75 წანერი) |
| ღურაშ აბანი: | |
| ომენცარე სფერო: |
ფიზიკა |
| ჯოხოშინელი მოგურაფეეფი: | |
აბუ ალი ალ-ჰასან იბნ ალ-ჰასან იბნ ალ-ჰაისამი, ლათინური ჯოხოდვალა ალჰაზენი (არაბ. أبو علي، الحسن بن الحسن بن الهيثم; დ. დოხოლაფირო 965, ბასრა ღ. — დოხოლაფირო 1040, კაირო) — არაბი ფიზიკოსი, ასტრონომი დო მათემატიკოსი, ისლამური ორქოშ პერიოდიშ ართ-ართი უდიდაში ფიგურა, შინელი რე მუჭოთ თეხანური ოპტიკაშ მუმა. იბნ ალ-ჰაისამიშ არძაშე უმოსო შანულამი ომენცარე ნახანდი რე "ოპტიკაშ წინგი" (არაბ. كتاب المناظر), ნამუქჷთ 1011–1021 წანეფს იჭარჷ დო ნამუშ ლათინური ვერსიაქ ასეშახ მაჭირინუ.
იბნ ალ-ჰაისამი მენცარული მეთოდიშ ართ-ართი ორდოიანი პიონერი დო პროპონენტი რდჷ. ჸათე გეშათ თის პირველ ნანდულ მენცარს ხოლო უძახჷნა. ფიზიკაშ, მათემატიკაშ დო ასტრონომიაშ გარდა ალ-ჰაისამი მოღალენდჷ ფილოსოფიას, თეოლოგიას დო მედიცინას ხოლო. იბნ ალ-ჰაისამიქ ეჭარუ თოლიშ სტრუქტურა დო პროცესეფი, მუჭო ორწყე თოლი სინთეს, ნამუთ ობიექტიშე ირეკლუ.
იბნ ალ-ჰაისამიქ დებადჷ ბასრას. ცხოვრენდჷ დო მოღალენდჷ კაიროს, სოდეთ უკინებუდჷ ადმინისტრაციული პოსტეფი.
ირანალი მენცარი დო ისტორიკოსი აბულ-ჰასან ბაიჰაქი იბნ ალ-ჰაისამს მიშინუანს მუჭოთ "მაჟირა პტოლემეს".
რესურსეფი ინტერნეტის[რედაქტირაფა | წყუშ რედაქტირაფა]
- იბნ ალ-ჰაისამი ენციკლოპედია ბრიტანიკას
- Biography from Malaspina Global Portal
- Short biographies on several "Muslim Heroes and Personalities" including Ibn al-Haytham
- Biography from ioNET ვებ-ხასჷლას Wayback Machine (archived 13 October 1999)
- Biography from the BBC. კითხირიშ თარიღი: 16 September 2008.
- Biography from Trinity College (Connecticut)
- The First True Scientist from BBC News