ნოღა
 იბრიშ კიდალეფი (გოლუანი)იბრიშ კიდალეფი (გოლუანი)
|
|
იბრი (არაბ. عبري) — ნოღა ომანს, ედ-დაჰირაშ მუჰაფაზაშ დო კინ თე ჯოხოშ მაღვენი ვილაიეთიშ ადმინისტრაციული ცენტრი. ნანანოღა მასკატიშ ბჟადალშე 279 კმ-ს იდვალუაფჷ, ქიანაშ დინოხოლენ ტერიტორიას. ნოღაშ მახორობა — 160,000 ადამიერი (2017). იბრიშ ვილაიეთი აკმაართიანენს დოხოლაფირო 118 ოფუტეს.
ჯვეში ბორჯიშე იბრის გინმიშჷ შანულამი ოქერვანე რზეფი, ნამუთ არაბეთიშ ჩქონიშ შხვადოშხვა ნორთის ართიანს მიორსხუანდჷ. ნოღას მუში ნოქური ქოდიტჷ ონოღე, ოფუტე დო ბედუინური ცივილიზაციაქ. შხვადოშხვა ბორჯის იბრის აკიგჷ მიარე ჯიხა დო ფორტიქ, თინეფშე შანულამი რე:
- იბრიშ ჯიხა — ნოღაშ ცენტრის იდვალუაფჷ, ნოღაშ ბაზარიშ გოხოლუას, აკიგჷ XII ოშწანურა.
- ეს-სალიფიშ ჯიხა — ისტორიული ჯიხა, ნამუთ აკაგჷ 1711-1718 წანეფს, იმამი სულთან ბენ სეიფ ელ-იარაბიქ გვალა შანბუჰის.
- ელ-აინეინიშ ჯიხა — წჷმარინუანს გომანგარაფილ ჸუდეს, ნამუთ აკაგჷშეიხი ნასირ ბენ მუჰამედ ალ-ღარიფიქ, 1740 წანას.
