იგორ ტამი
| იგორ ტამი | |
| რუს. Игорь Евгеньевич Тамм | |
 იგორ ტამი 1958 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
პირელი 12, 1971 (75 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
მოსკოვიშ სახენწჷფო პედაგოგიური უნივერსიტეტი |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: |
ვიტალი გინზბურგი |
| ჯილდოეფი დო პრემიეფი: |
ხანდაშ ჭითა შილაშ ორდენი (1945) |
იგორ ევგენიშ სქი ტამი (რუს. Игорь Евгеньевич Тамм; დ. 8 კვირკვე, 1895, ვლადივოსტოკი, რუსეთიშ იმპერია — ღ. 12 პირელი, 1971, მოსკოვი, სსრრ) — რუსი ფიზიკოსი. ჩერენკოვიშ რადიაციაშ რკვიებაშ დო დემონსტრირაფაშ გეშა გინოჩეს ნობელიშ პრემია ფიზიკაშ დარგის 1958 წანას. ტამიქ პრემია მიპალუ პავლე ჩერენკოვი დო ილია ფრანკიწკჷმა ართო. იგორ ტამიქ წჷმარინუ კვაზიწილაკიშ ფონონიშ არსებობაშ იდეა დო 1951 წანას ანდრეი სახაროვიწკჷმა ართო წჷმარინუ ტოკამაკიშ სისტემა.
დებადჷ ნოღა ვლადივოსტოკის. 1913-1914 წანეფს იგორ ტამი გურაფულენდჷ ედინბურგიშ უნივერსიტეტის. 1914-1917 წანეფს მონაწილენდჷ მაართა მოსოფელიშ ლჷმას, ოურდუმე ექიმო. უკულ გურაფა გაგინძორჷ მოსკოვიშ სახენწჷფო უნივერსიტეტის, ნამუთ 1918 წანას გათუ. 1923 წანაშე ტამი მუშენდჷ მოსკოვიშ სახენწჷფო უნივერსიტეტის. 1934 წანაშე ღურაშახ ტამი რდჷ ლებედევიშ ჯოხონობაშ ფიზიკაშ ინსტიტუტიშ თეორიული ფიზიკაშ დეპარტამენტიშ ხემანჯღვერი.
1940-1950-იან წანეფს იგორ ტამი ოკათუდჷ სსრრ-შ თერმობირთვული ანჯარიშ პროგრამას.
იგორ ტამი რდჷ შხვადოშხვა პრემიეფიშ დო ჯილდოეფიშ ლაურეატი. ღურუ 1971 წანაშ 12 პირელს, 75 წანერქ. დასაფულებური რე მოსკოვიშ ნოვოდევიჩიშ სასაფლას.