ივანე ვასილიშ სქი ითირანს პროფესიას

ივანე ვასილიშ სქი ითირანს პროფესიას Иван Васильевич меняет профессию
ფაილი:Иван Васильевич меняет профессию (постер).jpg
რეჟისორი:	ლეონიდ გაიდაი
სცენარიშ ავტორი:	ლეონიდ გაიდაი ვლადლენ ბახნოვი
თარ როლეფს:	იური იაკოვლევი ლეონიდ კურავლიოვი ალექსანდრე დემიანენკო
კომპოზიტორი:	ალექსანდრე ზაცეპინი
კინოსტუდია:	მოსფილმი
გჷშულაშ თარიღი:	1973
ხანგჷნძარალა:	93 წთ.
ქიანა	სსრრ
ნინა:	რუსული
IMDb პროფილი

ივანე ვასილიშ სქი ითირანს პროფესიას (რუს. Иван Васильевич меняет профессию) — 1973 წანაშ სხუნუეფიშ კომედიური ფილმი. გერსხუ მიხეილ ბულგაკოვიშ პიესას „ივანე ვასილიშ სქი“. ფილმიშ რეჟისორი რე ლეონიდ გაიდაი.

სიუჟეტი

პროლოგი

ფილმი იჭყაფუ, მუჭოთ უჩა-ჩე. გუმმაგონებელი ალექსანდრე ტიმოფეევი (შურიკი) ბორჯიშ მანქანას აკმანწყუნს. მანქანაშ გოტებაშ ექსპერიმენტი ითებუ გობეთქუათ. შურიკის ესუსტებუ.

სიზმარი

სიზმარიშ დოჭყაფაშე მოჸუნაფილი, ფილმი ფერონი რე. შურიკიშ ჩილი, ზინა, ჸუჩა ირთუ დო ქომონჯის ურაგადჷ, ნამჷ-და მითმიოტალენსჷნ. თიში ახალი ჸოროფილი რე კინორეჟისორი იაკინი, ნამუწკჷმა ართო ზინა გაგრაშა მეურს.

თიმ ბორჯის ბინეფიშ მახინჯ-რეციდივისტი ჟორჟ მილოსლავსკი შურიკიშ დო ზინაშ მეძობელიშ, სტომატოლოგ ანტონ შპაკიშ ორენშა მინმურს დო ხირულენს თიშ ნობთეფს.

ივანე ბუნშას, მეძობელიშ წოროაჭიშაფათ, შურიკი ბორჯიშ მანქანას უტენს დო შურიკიშ დო შპაკიშ ბინეფს შქას კიდალა იქარებუ. გოკვირაფილი მილოსლავკი შურიკიშ ორენშა მინმურს დო მანქანათ დეინტერესებუ. შურიკი ხოლო ართშა უტენს მანქანას დოთინეფიშ წჷმი გუთმორჩქინდუ მაფაშ დარბაზი. ხვისტას ივანე ზანკოჩი გეხე, ხასჷლას ალუხე - მურხე თეოფანე. შქურინაფილი მაფა შურიკიშ ბინას ქჷმოხვადუ, ბორჯიშ მანქანას ქუმოხვადუ შუფი. ბუნშა დო ჟორჯი ჯვეშ მოსკოვს სქიდჷნა.

მილოსლავსკი ქახვილუანს, ნამჷ-და ბუნშა ივანე ზანკოჩიშ გჷნ, თეშენ ანწიანშე თიშ მეწურაფათ, ბუნშა მაფას გასახიერენს, მუ მილოსლავსკი - პატჷნს.

შურიკი ნანდულ მაფას ეთმუნწყჷნს, თუ მუქჷთ მოხვადჷნ დო თხინს, მიცადასჷნ. თინა მაღაზიაშა მანქანაშო ახალი ტრანზისტორაფაშ ოჸიდირშა მიდერულე. თეხანობაშა ჸუდეშა დითმირთუ იაკინშა გოღვიზინაფილი ზინა. იაკინი აჸონებული რე, თუ მუჭო ორთაშობურო რაგადანს ივანე ზანკოჩი, მუჭოთ ნანდული მაფა. საბოლოოთ ივანე ზანკოჩ თის ზინაწკჷმა გარიგენს დო უტენს.

მაფაშ დოხორეს, თე ხანობას ბუნშა შვედეფს დახე კემიშ თემიშ დიხას გინოჩანს. სადილიშ ბორჯის თინა ოცეგურჷ ივანე ზანკოჩიშ ჩილს. მუჟამსჷთ დიშუმუნ, დოხორეშა მინმირულე ჯარი - კათაშ არზით, მაფა ტყურაია რე. ბუნშას დო მილოსლავსკის მოთხოზჷნა. თე ბორჯის შურიკი გაკეთენს მანქანას დო ბუნშა ჟორჟწკჷმა ართო XX ოშწანურაშა ირთჷნა.

ივანე ზანკოჩის ვადართინჷ ჯვეშ ბორჯიშა - თის მილიცია ჭოფუნს. ბუნშა ებარებუ მილიციას, თიშენ ნამჷ-და "უკანონეთ" არსულენდჷ მაფას საღალეს. ჟირხოლოს აფოჩებულო კოროცხჷნა, მორო, მუჟამსჷთ ბუნშაშ ჩილს ქოკითხენა, თინა აღიარენს, ნამჷდა ჟირხოლო თიში ქომონჯი რენ დო მუ ხოლო აცხადენს, ნამჷდა მიშაფაჩილი რე. ბუნშა დო მაფაწკჷა ართო თინეფი ფსიქიატრიულ კლინიკაშა მეულა.

მილოსლავსკი ეთმეჭოფუნს შურიკიშ ჩე ხალათის დი ექიმს გასახიერენს. მილიციონერეფი ქეგიოხვილანა, ნამჷ-და ხეს მუ მილოსლავკი ჸუნან. თეშენ თინეფი ქაჩინებაფუანა მედიკოსეფს დო, თიმ ბორჯის, მუჟამსჷთ მილოსლავსკიშ თხოზინი იჭყაფუნ, ნანდული მაფა შურიკშა დითმირთუ. გითმინწყუმუ თიში დოხორეშ კიდალა, მარა ჸუჩა დორთინელი მაფა ეკონია წამს ქაჸათანს ქუდის შურიკიშ უჩა კატუს.

ეპილოგი

ეპილოგის ფილმი კინ უჩა რე. შურიკი სვენაშა ქუმურს. კარს უხაკუანა, თინა მინმურს დო ორწყე, ნამჷ-და ჩილ დო ქომონჯ ბუნშეფქ ქჷმადირთესჷნ. მუჟამსჷთ ოკითხჷნა, გუტეს თუ ვარი თინეფი ფსიქიატრიულშენ, ჭკობა გაჟღამებულო უგამენს. უკული შურიკი ქემეხვადუ, ნამჷ-და თე ხანიშ ბორჯის ჩილქჷთ "მიოტუნ".

ზინა ოინალუშე ირთუ დო შურიკი ოკითხუ შარალუაშე დო იაკინშე, მარა მუჟამსჷთ ქემეხვადუ, ნამჷ-და ირფელი ხვალე სიზმარი რდჷნ, ითინჩალებუ დო ჩილს ოხუტოლჷ. ბოლოს თინა ქახვილუანს მაფაშ ქუდის, ნამუთ სინანდულეს კატუშ იჸუაფუნ.

რესურსეფი ინტერნეტის

• ივანე ვასილიშ სქი ითირანს პროფესიას — Allmovie-ს
• ივანე ვასილიშ სქი ითირანს პროფესიას — კინოფილმეფიშ ინტერნეტ მუნაჩემეფიშ ბაზას (ინგლისური)