ინსულტი

ვიკიპედიაშე
ინსულტი
ICD-10 I61.-I64.
ICD-9 434.91
OMIM 601367 601367
DiseasesDB 2247 2247
MedlinePlus 000726 000726

ინსულტიდუდიშ ტვინს ზისხირიშ მიმოულაშ მოლასუა. ინსულტიშ ჟირი თარი ტიპი რსებენს: იშემიური, ანუ ტვინიშ ინფაქტი, დო ჰემორაგიული, ანუ ზისხირინოწჷმა დუდიშ ტვინშა.

ინსულტით უმოს შხირას ილახებჷნა ქომოლკოჩეფი, ვინდარო ოსურეფი.

ინსულტიშ ბორჯის მუთმოხვადუ ტვინიშ ნორთიშ ნეკროზი (ღურა). ლახარაშ გჷმმაჭანალი ბაძაძეფიშ უმკუჯინალო, ნება დიდი ვარენ-და, ორგანიზმიშ კომპენსატორული მორინაშ ჭყოლოფუათ ფუნქციეფი მუსხირენ დღაშა ვარდა მარაშა კინ აკიდგინუ. მარა, ფართობი ფართო დო ნება ტვინიშ შანულამ ნორთის ქახუდა, ივითარებუ პათოლოგიური დორცუაფეფი.

იშემიური ინსულტი მაგისტრალური ზისხირჯერღვიშ ათეროსკლეროზული ნებაშ ბორჯის მუთმოხვადუ. ათეროსკლეროზული ფოლაქი თრომბიშ სახეთ ზისხირჯერღვის ოსინთაფეშ შხვადოშხვა ხარისხით რანგუას იჭანუანს დო ტვინიშ ზისხირხაზირებას არცუენს. თიში შედეგი — ტვინიშ ნორშვიშ ნამდგაინ ნორთიშ იშემია (ჟანგბადიშ შქირენა) დო ღურა რე.

ჰემორაგიული ინსულტი წჷმარინუანს ტვინს გოვითარაფილ ზისხირინოწჷმას. თინა უმენტაშო ივითარებუ არტერიული წნევაშ მოძინაშ ბორჯის. მაღალი წნევაშ ფონს ტვინიშ ნამგდაინ ზისირჯერღვიშ კიდალა იშებუ დო მუთმოხვადუ ზისხირიშ ინოწჷმა ტვინიშ ნიფთიარობაშა. თეს ტვინიშ ომანგე განობაშო დჷმახასიათაფალი კლინიკური შანეფიშ გორჩქინა მაჸუნუ.

ინსულტიშ კურნალუა იკათუანს, ზისხირჯერღვეფიშ თერაპიას, თი პრეპარატეფიშ გჷმორინაფას, ნამუეფით უნარღელჸოფენა ტვინს მეტაბოლიზური პროცესეფიშ გოუჯგუშაფას, ჟანგბადიშ თერაპიას, აკოდგინუაფონ კურნალუას, ვარდა რეაბილიტაციას (ოკურნალე ფიზკულტურა, ფიზიოთერაპია, მასაჟი).

ლიტერატურა[რედაქტირაფა | წყუშ რედაქტირაფა]

  • საოჯახო სამედიცინო ენციკლოპედია, მესამე გამოცემა, ISBN 978-9941-19-431-3.