ირვინგ ლენგმიური

ირვინგ ლენგმიური
ინგლ. Irving Langmuir
ლენგმიური 1932 წანას
დაბადებაშ თარიღი:	31 ღურთუთა, 1881
დაბადებაშ აბანი:	ბრუკლინი, ნიუ-იორკი, ააშ
ღურაშ თარიღი:	მარაშინათუთა 16, 1957 (76 წანერი)
ღურაშ აბანი:	ვუდს-ჰოული, მასაჩუსეტსი, ააშ
მენოღალობა:	ააშ
ომენცარე სფერო:	ქიმია, ფიზიკა
სამუშაშ აბანი :	General Electric
ალმა-მატერი:	კოლუმბიაშ უნივერსიტეტი გეტინგენიშ უნივერსიტეტი
ომენცარე ხემანჯღვერი:	ფრიდრიხ დოლეჟალეკი
ჯილდოეფი დო პრემიეფი:	ჰიუზიშ მენდალი (1918) რუმფორდიშ პრემია (1920) პერკინიშ მენდალი (1928) უილარდ გიბსიშ პრემია (1930) ნობელიშ პრემია ქიმიაშ დარგის (1932) ჰოლიშ მენდალი (1934) ფრანკლინიშ მენდალი (1934) ლონდონიშ ომაფე ჯარალუაშ ურცხოალი მაკათური (1935) ჯონ სკოტიშ მედალი (1937) ფარადეიშ ლექციაშ პრემია (1939) ფარადეიშ მენდალი (1944) ჯონ კარტიშ პრემია (1950)

ირვინგ ლენგმიური (ინგლ. Irving Langmuir; დ. 31 ღურთუთა, 1881, ბრუკლინი, ნიუ-იორკი, ააშ — ღ. 16 მარაშინათუთა, 1957, ვუდს-ჰოული, მასაჩუსეტსი, ააშ) — ამერიკალი ქიმიკოსი, ფიზიკოსი დო ინჟინერი, ნობელიშ პრემიაშ ლაურეატი ქიმიაშ დარგის 1932 წანას.

ირვინგ ლენგმიურიქ დებადჷ ბრუკლინს. გურაფულენდჷ შხვადოშხვა ომენცარე ინსტიტუტეფს დიო ამერიკას დო უკულ პარიზის. ბაკალავრიშ ხარისხი მიპალუ კოლუმბიაშ უნივერსიტეტის 1903 წანას. ოდოქტორე დისერტაცია თხილუ 1906 წანას, გეტინგენიშ უნივერსიტეტის, ფრიდრიხ დოლეჟალეკიშ ხემანჯღვერობათ. გურაფაშ თებაშ უკულ ლენგმიური მუშენდჷ სტივენსიშ ტექნოლოგიაშ ინსტიტუტის (ნიუ-ჯერსი). 1909 წანას ომუშებუშა გინილჷ General Electric-იშ რკვიებეფიშ ლაბორატორიაშა.

1919 წანას ლენგმიურიქ გჷმაბჟინუ მენცარული სტატია "ელექტრონეფიშ აკონწყუალა ატომეფს დო მოლეკულეფს". ჸათე სტატიას ლენგმიურიქ გილბერტ ნიუტონ ლუისიშ კუბიკური ატომიშ დო ვალტერ კოსელიშ ქიმიური რსხუშ თეორიეფიშ გჷმორინაფათ, წჷმარინუ ატომური სტრუქტურაშ კონცენტრიული თეორია. ჸათე თეორიაშ გეშათ, ლენგმიურის უღუდჷ მენცარული კონფლიქტი ლუისიწკჷმა.

General Electric-ის მუშობაშ ბორჯის ლენგმიურიქ გიმიგონჷ აირით ეფშა ნოთე დო დარსხუ წყარბადიშ აკონდღულაფაშ ტექნიკა.

ირვინგ ლენგმიური რდჷ შხვადოშხვა პრემიეფიშ დო ჯილდოეფიშ ლაურეატი. 1918 წანას მიპალუ ჰიუზიშ მენდალი, 1920 წანას რუმფორდიშ პრემია, 1928 წანას პერკინიშ მენდალი, 1930 წანას უილარდ გიბსიშ პრემია, 1932 წანას ნობელიშ პრემია ქიმიაშ დარგის, 1934 წანას ფრანკლინიშ მენდალი, 1937 წანას ჯონ სკოტიშ მენდალი, 1944 წანას ფარადეიშ მენდალი, 1950 წანას ჯონ კარტიშ პრემია. ირვინგ ლენგმიური რდჷ ლონდონიშ ომაფე ჯარალუაშ დო ამერიკაშ მენცარობეფიშ დო ხელუანობეფიშ აკადემიაშ მაკათური. ლენგმიურიშ ჯოხონობაშ რე ატმოსფეროშ რკვიებეფიშ ასოციაცია დო ამერიკაშ ქიმიური ჯარალუაშ ჟურნალი.

რესურსეფი ინტერნეტის

• Langmuir Journal ACS Chemistry Journal of Surfaces and Colloids
• "Langmuir, Irving" Infoplease.com.
• " Irving Langmuir's Ball Lightning Tube". Ball Lightning Page. Science Hobbyist.
• "The Arrangement of Electrons in Atoms and Molecules" JACS, Vol. 41, No. 6, 868.
• "Irving Langmuir a great physical Chemist"; Resonance, July 2008
• Key Participants: Irving Langmuir Archived 2012-11-12 ვებ-ხასჷლას Wayback Machine. – Linus Pauling and the Nature of the Chemical Bond: A Documentary History
• National Academy of Sciences Biographical Memoir