კალიმანტანი

ვიკიპედია-შე
გეგნორთი: ნავიგაცია, გორუა
კოკიშ გეოპოლიტიკური დორთუალა

კალიმანტანი (ინდონეზ. Kalimantan, თაშნეშე ბორნეო (მალ. Borneo)) — მოსოფელს სიდიდათ მასუმა კოკი; აკა კოკი, ნამუსჷთ სუმი სახენწჷფო ირთჷნ: ინდონეზია, მალაიზია დო ბრუნეი. კოკიშ ფართობიე — 743 330 კმ². კოკი იდვალუაფუ მალაიშ არქიპელაგიშ ცენტრის, ობჟათე-ბჟაეიოლ აზიას.

კოკიშ უდიდაში ნორთიე ადმინისტრაციული რეგიონი „კალიმანტანი“ (ინდონეზიაშ აკოდგინალუას), ნამუთ 4 პროვინციათ ირთუ.

ისტორია[რედაქტირაფა | წყუშ რედაქტირაფა]

XV ოშწანურას კოკი ზოხორინელქ იჸუ ინდონეზიაშ იმპერიაშე. ინდუისტური სახენწჷფოშ ხემანჯღვერი ნაგარა დიპა, მახორუ კილიმანტანს ჯუნგჯუნგ ბუი, ოსურო აჸუნჷ იავანიაშ პრინც სურიანატის, თინეფი ართო მართუნდეს სახენწჷფოს.

ოორუე კალიმანტანი XV-შე XVII ოშწანურაშახ ბრუნეიშ სასულთნოშ აკოდგინალუაშა მიშმეშჷ. 1703 წანას კოკიშ დიდი ნორთი გეგნაჩჷ სულთან სულუს, ობჟათე ფილიპინეფს მადვალუს. 1857 წანას, სულთანქ სულუ ჯამალულ ახლამ კირამიქ (1863—1881), ოორუე კალიმანტანი არენდათ გეგნოჩჷ ბრიტანულ კომპანიას. თე ნორთი ამდღა მალაიზიაშ აკოდგინალუაშა მიშმურს. ტერიტორიაშ დინოხოლენი ნორთიქ უცხოარეფით დიხორჷ. ალმახანას კოკის 3 სახენწჷფო ართიანს უხურგანს.

რესურსეფი ინტერნეტის[რედაქტირაფა | წყუშ რედაქტირაფა]