დინორეშა გინულა

კამილო გოლჯი

ვიკიპედიაშე
კამილო გოლჯი
იტალ. Camillo Golgi
დაბადებაშ თარიღი:

7 კვირკვე, 1843

დაბადებაშ აბანი:

კორტენო, ლომბარდო-ვენეციაშ ომაფე, იტალიაშ ომაფე

ღურაშ თარიღი:

ღურთუთა 21, 1926 (82 წანერი)

ღურაშ აბანი:

პავია, იტალიაშ ომაფე

მენოღალობა:

იტალიაშ ომაფე

ომენცარე სფერო:

პათოლოგია, ნეირომენცარობა

სამუშაშ აბანი :

პავიაშ უნივერსიტეტი

ალმა-მატერი:

პავიაშ უნივერსიტეტი

ომენცარე ხემანჯღვერი:

ჩეზარე ლომბროზო

ჯილდოეფი დო პრემიეფი:

ნობელიშ პრემია ფიზიოლოგიაშ დო მედიცინაშ დარგის (1906)

კამილო გოლჯი (იტალ. Camillo Golgi; დ. 7 კვირკვე, 1843, კორტენო, ლომბარდო-ვენეციაშ ომაფე, იტალიაშ ომაფე — ღ. 21 ღურთუთა, 1926, პავია, იტალიაშ ომაფე) — იტალიარი ბიოლოგი, გურაფულენდჷ ცენტრალურ ნერვულ სისტემას. ნობელიშ პრემიაშ ლაურეატი ფიზიოლოგიაშ დო მედიცინაშ დარგის (1906).

ბიოგრაფია[რედაქტირაფა | წყუშ რედაქტირაფა]

კამილო გოლჯი გურაფულენდჷ მედიცინას პავიაშ უნივერსიტეტის. გურაფაშ თებაშ უკულ მუშენდჷ პავიაშ სან-მატეოშ ჰოსპიტალს, უკულ პავიაშ უნივერსიტეტის. 1875 წანაშე რდჷ უნივერსიტეტიშ პროფესორი. 1893-1896 დო 1901-1909 წანეფს გოლჯი რდჷ პავიაშ უნივერსიტეტიშ რექტორი. გოლჯი რდჷ მუშ დუნარსხუა სეროთერაპიაშ და ვაქცინოლოგიაშ ინსტიტუტიშ დირექტორი ხოლო. 1900 წანას გოლჯი იტალიაშ მაფა უმბერტო I-ქ სენატორო ქუდანიშნჷ. გოლჯიშ მენცარული ინტერესეფიშ სფერო რდჷ ცენტრალური ნერვული სისტემა, ჭაჭაშ ფუნქციეფი, მალარია დო შხვ. გოლჯიშ ჯოხონობაშ რე შხვადოშხვა ფიზიოლოგიური ფენომენი დო ანატომიური სტრუქტურა.

ლიტერატურა[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]