კერი მულისი

კერი ბენკს მულისი
	კერი ბენკს მულისი
	ინგლ. Kary Banks Mullis
დაბადებაშ თარიღი:	28 ქირსეთუთა, 1944
დაბადებაშ აბანი:	ლენოირი, ოორუე კაროლინა, ააშ
ღურაშ თარიღი:	მარაშინათუთა 7, 2019 (74 წანერი)
ღურაშ აბანი:	ნიუპორტ-ბიჩი, კალიფორნია, ააშ
მენოღალობა:	ააშ
ომენცარე სფერო:	მოლეკულური ბიოლოგია
სამუშაშ აბანი :	Cetus Corporation
ალმა-მატერი:	ჯორჯიაშ ტექნოლოგიაშ ინსტიტუტი; კალიფორნიაშ უნივერსიტეტი (ბერკლი)
ომენცარე ხემანჯღვერი:	ჯო ნეილენდსი
ჩინებული რე მუჭოთ:	პოლიმერაზული ჯაჭვური რეაქციაშ (პჯრ) დუმარსხუაფალი
ჯილდოეფი დო პრემიეფი:	უილიამ ალანიშ პრემია (1990); რობერტ კოხიშ პრემია (1992); ნობელიშ პრემია ქიმიას (1993); იაპონიაშ პრემია (1993)

კერი ბენკს მულისი (ინგლ. Kary Banks Mullis; დ. 28 ქირსეთუთა, 1944, ლენოირი, ოორუე კაროლინა, ააშ — ღ. 7 მარაშინათუთა, 2019, ნიუპორტ-ბიჩი, კალიფორნია, ააშ) — ამერიკალი ბიოქიმიკოსი, პოლიმერაზული ჯაჭვური რეაქციაშ (პჯრ) დუმარსხუაფალი, ნობელიშ პრემიაშ ლაურეატი ქიმიაშ დარგის (მაიკლ სმიტიწკჷმა ართო). კერი მულისიშ ორიგინალური პჯრ მეთოდით, შილებე მასალაშ დნბშ მილიონობათ კოპიოშ კეთება ბორჯიშ ჭიჭე პერიოდის. გაზეთ ნიუ-იორკ ტაიმზიშ აზრით, პჯრ-შ ეპოქალურ მეთოდიშ გიმოგონებაქ დოთირუ ბიოლოგია ჟირ პერიოდო: პჯრ-შ გიმოგონებაშახ დო პჯრ-შ გიმოგონებაშ უკულ.

ბიოგრაფია[რედაქტირაფა | წყუშ რედაქტირაფა]

კერი ბენკს მულისიქ დებადჷ 1944 წანაშ 28 ქირსეთუთას. გურაფულენდჷ ქიმიას, ჯორჯიაშ ტექნოლოგიაშ ინსტიტუტის, ატლანტას. ჯორჯიაშ ტექნოლოგიაშ ინსტიტუტიშ უკულ გურაფა გაგინძორჷ კალიფორნიაშ უნივერსიტეტის (ბერკლი), სოდეთ ჯო ნეილენდსიშ ხემანჯღვერობათ თხილუ ოდოქტორე დისერტაცია 1973 წანას. გურაფაშ თებაშ უკულ მუშენდჷ ამერიკულ ბიოტექნოლოგიურ კომპანიას Cetus Corporation-ს, სოდეთ 1983 წანას, მულისიქ გიმიგონჷ პოლიმერაზული ჯაჭვური რეაქციაშ მეთოდი (პჯრ). პჯრ რდჷ ორიგინალური დო ეპოქალური მეთოდი, ნამუქჷთ დოთირუ ბიოლოგია. მულისის ჸათე რევოლუციური მეთოდიშ დორსხუაფაშ გეშა, Cetus Corporation-ქ გინოჩ ბონუსი 10,000 დოლარი, უკულ კომპანიაქ პატენტი ქიმეჸიდჷ დიაგნოსტიკურ კომპანია Roche Molecular Systems-ის 300 მილიონ დოლარშა. კერი მულისის შხვადოშხვა გამოგონებეფ ხოლო უღუდჷ, მარა თარი გამოგონება პჯრ მეთოდი რდჷ. 1993 წანას გინოჩეს ნობელიშ პრემია ქიმიაშ დარგის. რდჷ იაპონიაშ პრემიაშ, უილიამ ალანიშ პრემიაშ, გაირდნერიშ პრემიაშ, რობერტ კოხიშ პრემიაშ დო შხვა პრემიეფიშ ლაურეატი. ღურჷ 2019 წანაშ 7 მარაშინათუთას.

პუბლიკაციეფი დო წინგეფი[რედაქტირაფა | წყუშ რედაქტირაფა]

(1968) „Cosmological Significance of Time Reversal“. Nature 218 (5142): ხს. 663–664. DOI:10.1038/218663b0.
(1986) „Specific enzymatic amplification of DNA in vitro: The polymerase chain reaction“. Cold Spring Harbor Symposia on Quantitative Biology 51: ხს. 263–273. DOI:10.1101/sqb.1986.051.01.032. PMID 3472723.
K. Mullis, 1990, The unusual origin of the polymerase chain reaction. Scientific American, April 56–65.
The Polymerase Chain Reaction, 1994, co-edited Francious Ferre and Richard A. Gibbs (Basel: Birkhauser)
(1995) „A hypothetical disease of the immune system that may bear some relation to the Acquired Immune Deficiency Syndrome“. Genetica 95 (1–3): ხს. 195–197. DOI:10.1007/BF01435010. PMID 7744261.
Kary Mullis, Dancing Naked in the Mind Field. Vintage Books (1998).

ლიტერატურა[რედაქტირაფა | წყუშ რედაქტირაფა]

Paul Rabinow, Making PCR: a story of biotechnology (University of Chicago Press, 1996).
Anthony Liversidge, "Kary Mullis, the great gene machine" ვებ-ხასჷლას Wayback Machine (archived January 21, 2001) , Omni magazine (April 1992).