კეტრინ ჯონსონი

ვიკიპედიაშე
კეტრინ ჯონსონი
ინგლ. Katherine Johnson

კეტრინ ჯონსონი 1983 წანას
დაბადებაშ თარიღი:

26 მარაშინათუთა, 1918

დაბადებაშ აბანი:

უაიტ-სალფერ-სპრინგსი, ბჟადალი ვირჯინია, ააშ

ღურაშ თარიღი:

ფურთუთა 24, 2020 (101 წანერი)

ღურაშ აბანი:

ნიუპორტ-ნიუსი, ვირჯინია, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

მათემატიკა

სამუშაშ აბანი :

ნასა

ალმა-მატერი:

ბჟადალი ვირჯინიაშ შტატიშ უნივერსიტეტი
ბჟადალი ვირჯინიაშ უნივერსიტეტი

ჯილდოეფი დო პრემიეფი:

დუდიშალაშ ოპრეზიდენტე მენდალი (2015)
კონგრესიშ ორქოშ მენდალი (2019)

კეტრინ ჯონსონი (ინგლ. Katherine Johnson; დაბადებაშ გვარი: Coleman; დ. 26 მარაშინათუთა, 1918, უაიტ-სალფერ-სპრინგსი, ბჟადალი ვირჯინია, ააშ — ღ. 24 ფურთუთა, 2020, ნიუპორტ-ნიუსი, ვირჯინია, ააშ) — ამერიკალი მათემატიკოსი. გურაფულენდჷ ბჟადალი ვირჯინიაშ შტატიშ კოლეჯის, უკულ გურაფა გაგინძორჷ ბჟადალი ვირჯინიაშ უნივერსიტეტის. გურაფაშ თებაშ უკულ ჯონსონი მუშენდჷ აერონავტიკაშ ერუანულ ოკონსულტაციე კომიტეტის დო უკულ, 1953–1986 წანეფს ნასას. ნასას მუშობაშ ბორჯის კეტრინ ჯონსონქ მიშეღჷ დიდი მენცარული კონტრიბუცია ნასაშ მისიეფიშ (პროექტი მერკური, აპოლოშ პროგრამაშ თუთაშ მოდული) ტრაექტორიაშ დო მარშრუტიშ მათემატიკურ კალკულაციაშა. ჯონსონიშ კალკულაციეფს დიდი შანულობა უღუდჷ პროგრამა სფეის-შატლიშ დო პლანეტა მოროხიშ მისიეფიშ დოჭყაფაშო. კეტრინ ჯონსონი რდჷ ართ-ართი მაართა აფრიკალი-ამერიკალი მენცარი, ნამუქჷთ ნასას იმუშუ. ჯონსონს ადამიერი-კომპიუტერს ხოლო უძახჷდეს. კეტრინ ჯონსონი რდჷ შხვადოშხვა პრემიეფიშ დო ჯილდოეფიშ ლაურეატი. 2015 წანას ააშ-იშ პრეზიდენტიქ ბარაკ ობამაქ ჯონსონს გინოჩჷ დუდიშალაშ ოპრეზიდენტე მენდალი, 2019 წანას ააშ-იშ კონგრესიქ კეტრინ ჯონსონს გინოჩჷ კონგრესიშ ორქოშ მენდალი. 2021 წანაშე ჯონსონი მიშაჸონაფილი რე ააშ-იშ ოსურეფიშ ერუანული დიდობაშ დარბაზიშა. 2016 წანას BBC-იქ ჯონსონი მიშეჸონჷ მოსოფელიშ 100 გოლინიანი ოსურიშ ერკებულშა.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: