კვეტაშ ტერაქტი (2016)

ვიკიპედია-შე
Jump to navigation Jump to search

2016 წანაშ 8 მარაშინათუთას, ტერორისტეფქ ქეგიანთხეს ოთარობე ოსქილადუს პაკისტანიშ ნოღა კვეტას, დუდმაჸვილარი ტერორისტიშით აფეთქებული ბომბიშ დო ჸოთამაშ შედეგო გოჭყორდჷ 77 ადამიერქ დო დეღამაკჷ - 100-შე უმოსიქ. დაღამაკაფილეფი თარო ადვოკატეფი რდეს, თამუეფით თიმ ბორჯის ოსქილადუს რდეს აკოშაყარელი, სოდე სვანჯუდჷ ადვოკატ ბილალ ანვარ ქასიშ გვამი, ნამუთ ბელუჯისტანიშ ადვოკატეფიშ ასოციაციაშ პრეზიდენტი რდჷ, გვამი თიშ უკული მასვანჯეს თექ, მუთ თინა ცხირჷ უჩინებუ აკოანჯარაფილ პიჯიქინ.[1] გამამინჯალა გენთხაფაშე ეჭოფუ შხვადოშხვა ისლამისტურ დჷნაბუნეფქ, მუჭოთი რენა ჯამაჰატ-ალ-უჰრარი დო ისლამური სახენწჷფო.

რეაქციეფი[რედაქტირაფა | წყუშ რედაქტირაფა]

სოციალურ რშვილქ Facebook-იქ გააქტიურჷ Safety Check ფუნქცია, ნამუთ საშუალებას ირძენს ეიოშანუე სქან დუდი უშქურანჯოთინ.[2]

დინოხოლენი[რედაქტირაფა | წყუშ რედაქტირაფა]

პაკისტანიშ პრემიერ-მინისტრიქ ნავაზ შარიფიქ დო პრეზიდენტიქ მამნუნ ჰუსეინქ დოგმეს გენთხაფა დო გჷმოხანტეს წუხირი ჭყვიდილეფიშ გეშა. თრობაქ სუმდღიანი რგუალა გჷმაცხადჷ.

ოერეფოშქაშე[რედაქტირაფა | წყუშ რედაქტირაფა]

გოეროშ გენერალურ მელამოსექ პან გი მუნქ,[3][4] აკოართაფილი შტატეფიშ ჩე ჸუდეშ პრეს-მელამოსექ ჯოშ ერნესტიქ[5] დო საფრანგეთიშ პრეზიდენტიქ ფრანსუა ოლანდიქ დოგმეს გენთხაფა.[6]

სქოლიო[რედაქტირაფა | წყუშ რედაქტირაფა]

  1. 55 killed, over 100 injured in blast at hospital in Pakistan's Quetta. The Times of India (8 August 2016). კითხირიშ თარიღი: 8 August 2016.
  2. Pakistan hospital bomb attack kills dozens in Quetta. BBC News (8 August 2016). კითხირიშ თარიღი: 8 August 2016.
  3. Pakistan: Ban condemns ‘appalling’ terrorist attack at hospital in Quetta. UN News Center (8 August 2016). კითხირიშ თარიღი: 8 August 2016.
  4. Ayaz Gul (8 August 2016). Suicide Blast At Pakistani Hospital Kills Dozens. The Voice of America. კითხირიშ თარიღი: 8 August 2016.
  5. The Latest: White House Condemns Quetta Hospital Bombing. ABC News (8 August 2016). კითხირიშ თარიღი: 9 August 2016.
  6. France condemns Quetta attack, expresses solidarity. Samaa TV (8 August 2016). კითხირიშ თარიღი: 9 August 2016.