კინტირი

ბარჯგიშა ეშულირი კინტირი, ახმეტაშ მუნიციპალიტეტი

კინტირი (ლათ. Cucumis sativus) — ართწანიანი ოდიარამი ჩანარი კოპეშიაშობურეფიშ ფანიაშე. ჯინჯეფიშ სისტემა აკმოდირთუ თარ ღერძშე (1 მ-შახ სიგჷრძაშ) დო ელახიან ჯინჯეფშე, ნამუთ თარო ოხონალ/დამუშებელ დიხაშ (10-30 სმ) ფენას იფაჩუ. ღერი მახოხინე ვარდა ხვიარი რე. სიგჷრძა 1,5—2 მ-შახ ანჭუ. თაშნეშე მუთმოფხავდჷნა გვერდოქვერჩხონი ფორმათ ხოლო. ფურცელი დიდყერწამი რე, ონდეთ სუაშობური, ხუთლუთხიანი. ცალსქესიანი, ართჸუდეამი ჩანარი რე. მუთმოფხადვა ჟირჸუდეამი ხოლო. გჷმნაღელი 5-100 სმ-შახ სიდიდაშ რე. ცილინდრული ფორმა უღუ. კინტირი სიტიბაშ, სინთეშ დო სილამიეშ მოჸოროფე ჩანარი რე. კინდირიშ ოდაბადე რე ინდოეთი.

კინტირი მოჸუნა გონჯამილ დო კილერ გრუნტის. კინტირს მუჭოთ ზათ, თეშ მჟავეშ სახეთ გჷმირინუანა. თოთო, 3—4 დღერი გჷმნაღელშე პიკულს დო კორნიშონს ზადუნა. გჷმნაღელს თეჯგურა ქიმიური აკოდგინალუაშ უღუ (%-ობათ): წყარი 95-96, სქირე ღვანდი 4-5, მ. შ. შანქარეფი 2-2,5, ცილეფამი ღვანდეფი 1,0, ცჷმი 0,1, უჯრედისი 0,7, ტუტა 0,4 იკათუანს C, B₁, B₂ ვიტამინს, A პროვიტამინს, ორგანულ მჟავეფს.

1973 წანაშე საქორთუოს გონჯამილ გრუნტიშო დორაიონაფილი რე მუხრანული აკანური, ნეჟინური 12, ნოვოჩერკასკიშ 385, რუსტემი 96-1, ნეროსიმი 40; კილერ გრუნტიშო „მნოგოპლოდნი 3263“, ჰიბრიდი „ტეპლიჩნი 40“. კინტირშო არძაშ უჯგუში რე მირძღი, ქექე მექანიკური აკოდგინალუაშ, ბორიაშე თხილერი დიხა. კინტირიშ თასი ითასუ რანწკას დო ბედობურო. გჷრძას მარდუ ჯიშეფი (მუხრანული) ითასუ კვადრატულ-ბუდობურო 100×100 სმ, კუნტა ჯიშეფი —— 70×70 სმ-ს. ბუდნას იტენა 3-4 ცანარს. კინტირიშ უმენტაშობაშ დჷმალახებელი რე ბონდღამი გირდღი, ბუგრი; ლახარა — ნოშქერი, ბაქტერიოზი, ჩე სიჸორადე, ანთრაკნოზი.

ლიტერატურა

• რობაქიძე თ., ქორთული სხუნუეფიშ ენციკლოპედია, ტ. 5, ხს. 538, ქართი, 1980 წანა.