კოლხეფი
იერსახე

კოლხეფი — ობჟათე-ბჟაეიოლი დო ბჟაეიოლი უჩაზუღაპიჯიშ მახორუ ჯვეში ქორთუ თურეფიშ ართამი ჯოხო, ნამუშ მეჯინათ, ჯვეში ბერძენეფი ედომუშამი ქიანას კოლხეთის, კოლხიდას უძახჷდეს. ჯვ. წ. I ვითოწანურას, კოლხეფქ ქჷდარსხუეს კოლხაშ (კულხა), თაშნეშე VI ოშწანურას კოლხეთიშ ომაფე.
შხვადოშხვა წყუეფს
[რედაქტირაფა | წყუშ რედაქტირაფა]![]() |
„104. მარა არგამა რე, ნამჷ-და კოლხეფი ეგვიპტალეფი რენან. თეს კჷნე მა გუხვადი თიშ უწოხი, ვინდარო შხვეფშე მიბრჩქილუანდჷნ დო თეშ ქობთქუანდი. დოანდანე თეშენ ფიბქრენდჷნ, ქეშვეკითხი ჟირხოლოს, კოლხეფს უჯგუშო შუდეს ეგვიპტალეფი, ვინდარო ეგვიპტალეფს კოლხეფი. ეგვიპტალეფი რაგადანა, ნამჷ-და თინეფიში არზით სესოსტრისიშ (ბერძენ. Σέσωστρις) ლესქერშე რენა კოლხეფი დო მათ თაშ მაძირედჷ, ანდანე კოლხეფი ტიღეფი რენა დო თომაკიროკილეფი რენა (მარა თენა მუთუნს ვაშანენს, ანდანე შხვეფით რენა თეჯგურეფი), მარა თეწკჷმა დო უმოსო თეს მოწმენს თინა, ნამჷ-და არძა კათაშე ხვალე კოლხეფი, ეგვიპტალეფი დო ეთიოპალეფი რენა, ნამუეფჷთ დუდშეხე ორთუდეს წუმოწკანტუას. ფინიკიალეფქ დო თი სირიალეფქ, ნამუეფჷთ პალესტინას რენან, მუჭოთ მუნეფი რაგადანან, ეგვიპტალეფშე დიგურუეს, თაშნეშე სირიალეფი, ნამუეფჷთ წყარმალუ თერმოდონტპიჯის დო პართენიოპიჯის აკახორანდესჷნ, დო მაკრონეფი, ნამუეფჷთ თინეფიშ მეძობელეფი რენან, რაგადანა, ნამჷ-და კოლხეფშე დიგურუეს თენა ასერდე. ხვალე ტენეფი რენა თი ადამიერეფი, ნამუეფჷთ წუმოწკანტაუს ორთჷნან დო ჩქჷ, ნამჷ—და თენეფჷთ ეგვიპტალეფიშობურო ორთჷნა თესჷნ, მარა ეგვიპტალეფიშ დო ეთიოპიალეფიშ გეშა ვეშემლებუ ვაბთქუენ, დო ნამუქ დიგურჷ თე ჟირს შქას მაჟირაშენ. მუდგაინი ძალამი ჯვეში ჩქჷ ჟირხოლოწკჷმა. თიშ კაბეტი საბუთო, ნამჷ-და კათეფქ თენა ეგვიპტალეფშე დიგურუესჷნ თინეფწკჷმა მესვარუაშ ოსხირით, თეშნერო მაძირუაფუ: თი ფინიკიალეფი, ნამუეფსჷთ ელადაწკჷმა უღჷდუეს ურთიართონეფჷნ, ვემეჸუნა ეგვიპტალეფიშ თი საქმეეფს, ნამუთ საონჯღოროს ოწაწჷნ დო სკუალეფიშ წუმოწკანტაუს ვართჷნა.
105. ხოლო შხვა მუდგაშ რაგადი შილებე კოლხეფიშ გეშა, ნამუშით თინეფი ეგვიპტალეფს მოგენან. ხვალე კოლხეფი დო ეგვიპტალეფი ამუშენა სელს ართნერო; ჸოფაშ წესი დო ნინა ართიანიშ მოგვენი უღჷნა. კოლხურ სელშა ელინეფს სარდონული უჯოხონა, ეგვიპტეშე მიშნაღელს - ეგვიპტური. “ |
![]() |
„მნასი პეტრონი, ერატოსთენეშ მოწაფე, რაგადანს, კოლხეფს თეჯგურა ჯოხოქ მიაჭარეს კოლხიშე, ნამუთ რდჷ ფაზისაოშ (ათე შვანს „ფაზის“ შილებე ორდუკონ კავკაციანეფიშ ნინეფიშ ბჟა (ბჟა, ვაზ, ბაყ, ბეღ) ქომოსკუა.
კოლხიშ სკუა რდჷ ჱელიოსი (ბჟა). “ |
(მ. გ. ჯანაშვილი, „საქართველოს ისტორია უძველეს დროითგან 985 წლ. ქრ. შ.“: ბ. ღმერთ-კაცნი. ბ. კოლხი; გ. მზე. ტომი I, გვერდი: 93[1].)
|
![]() |
„ეტრუსკეფი, თეშ, მუჭოთ პელასგეფი კოლხეთიშე რენა გინოხორილეფი დო კოლხეთიქ გაჭყჷ მედიტერანული ცივილიზაცია, თიში ფიზიკური დო სოციალურ ტიპი, თიში ხანტურული რკვანაფა.
“
|
(ედმონ დემოლენი (ფრანგ. Edmond Demolins))
|
![]() |
„ეგვიპტალეფიშ კულტურაშა არგანათ კაბეტი გულა იღვენჷ კოლხეფიშ დო ფინიკიალეფიშ კულტურაქ. თინეფს კოლხეთიშე აფჷნა გინორალირი დიხაშხანდაშ დო სამედცინო ხელუანობა. ეგვიპტალეფქ კოლხეფშე დო ფინიკიალეფშე, მოგვიანაფათ — ელინეფშე გინიღეს ღორონთიერობეფი. ჯვეში ეგვიპტალეფიშ ღორონთიერობეფი დახე ართამო კოლხური გოჭყაფაში რე.
“
|
(კურტ პოლიკარპ იოაჰიმ შპრენგელი (გერმ. Kurt Polykarp Joachim Sprengel))
|
ქოძირით თაშნეშე
[რედაქტირაფა | წყუშ რედაქტირაფა]ლიტერატურა
[რედაქტირაფა | წყუშ რედაქტირაფა]- ქსე, ტ. 5, ხს. 595, ქთ., 1980
- Braund, David. 1994. Georgia in Antiquity: A History of Colchis and Transcaucasian Iberia 550 BC-AD 562. Clarendon Press, Oxford. ISBN 0-19-814473-3
- Gocha R. Tsetskhladze. Pichvnari and Its Environs, 6th c BC-4th c AD. Annales Littéraires de l'Université de Franche-Comté, 659, Editeurs: M. Clavel-Lévêque, E. Geny, P. Lévêque. Paris: Presses Universitaires Franc-Comtoises, 1999. ISBN 2-913322-42-5
რესურსეფი ინტერნეტის
[რედაქტირაფა | წყუშ რედაქტირაფა]- Colchis in Dictionary of Greek and Roman Geography (1854) (ed. William Smith, LLD)
- Colchian coins
- Strabo on Colchis Archived 2005-08-19 ვებ-ხასჷლას Wayback Machine.
- Herodotus on Colchis
- Pliny on Colchis
- Golden graves, archeological evidences Archived 2017-10-06 ვებ-ხასჷლას Wayback Machine.
სქოლიო
[რედაქტირაფა | წყუშ რედაქტირაფა]- ↑ მ. გ. ჯანაშვილი „საქართველოს ისტორია უძველეს დროითგან 985 წლ. ქრ. შ.“: ბ. ღმერთ-კაცნი. ბ. კოლხი; გ. მზე. ტომი I, გვერდი: 93