კოსმოსური ნტვერი
იერსახე
![](http://upload.wikimedia.org/wikipedia/commons/thumb/9/97/Artist%E2%80%99s_impression_of_dust_formation_around_a_supernova_explosion.jpg/220px-Artist%E2%80%99s_impression_of_dust_formation_around_a_supernova_explosion.jpg)
კოსმოსური ნტვერი — ნტვერი ნამუთ არსებენს უქიანოშ დინახალე. კოსმოსური ნტვერიშ წილაკეფიშ უმენტაშობაშ ზომა 0.1 მმ-შე (100 მიკრომეტრი) მოლეკულაშ ზომაშახჷ რე. უმოს დიდი წილაკეფს მეტეოროიდეფს უძახჷნა. კოსმოსური ნტვერი, თიში ლოკაციაშ მეჯინათ ირთუ: გალაქტიკეფოშქაშე ნტვერო, მურიცხეფოშქაშე ნტვერო, პლანეტეფოშქაშე ნტვერო დო პლანეტური რულეშ ნტვერო. კოსმოსური ნტვერიშ ოზიმალო არსებენს შხვადოშხვა მეთოდეფი.
ბჟაშ სისტემას, პლანეტეფოშქაშე ნტვერით წჷმიქიმინუ ზოდიაქური სინთე. ბჟაშ სისტემაშ ნტვერო ითვალუ: კომეტეფიშ ნტვერი, ასტეროიდული ნტვერი, კოიპერიშ ორტყაფუშ ნტვერი, დო მურიცხეფოშქაშე ნტვერი, ნამუთ ბჟაშ სისტემას გიშმურს. ირ წანას ანთასობათ ტონა კოსმოსური ნტვერი მუთმაჭირინუანს დიხაუჩაშ ჟინპიჯიშა.
კოსმოსური ნტვერი იკათუანს ორგანულ ნიფთიერებეფს ხოლო.