კოჩინოსიშ ჸუჯი
კოჩინოსიშ ჸუჯი თაშნეშე ღეჯეფიშ ჸუჯი (ესპ. Bahía de Cochinos) — ჸუჯი კუბაშ ობჟათე წყარპიჯის, კარიბიშ ზუღას.
1910 წანაშე ორხველჷ სანტა-კლარაშ პროვინციას, 1976 წანაშე მატანსასიშ პროვინციაშ აკოდგინალუას რდჷ. აკმოქიმინუნს საპატაშ ჩქონიშ ბჟაეიოლი უკიდაშ კუნთხუს. ხაგუეი-გრანდეშ ობჟათეშე იდვალუაფუ 30 კილომეტრის, სიენფუეგოსიშ ბჟადალშე 70 კილომეტრის, ჰავანაშ ობჟათე-ბჟაეიოლშე 150 კილომეტრის. ჸუჯიშ ბჟადალი ნორთის რე მარჯანიშ რაქეფი, ნამუთ უხურგანს საპატაშ ჭყენჭყეფს. ბჟაეიოლ ნორთის წჷმორინაფილი რე მანგროვიანეფი დო ჭყენჭყეფიშ ჸონიერი მასივეფი.
კოჩინოსიშ ჸუჯიშ ოორუე ნორთის იდვალუაფუ ოფუტე ბუენა-ვენტურა. ჸუჯიშ ესპანური ჯოხოდვალა Bahía de Cochinos ვემიარსხუ ღეჯეფს, (სავარაუდოთ) ჩხომიშ გვარობას — Orangeside triggerfish (ლათ. Balistes vetula, ესპ. Cochino).[1][2]
1961 წანას ააშ-იშ ცენტრალური ოდაზვერვე სააგენტოშ დოფინანსაფათ საგარძახო გოწვართილ კუბარ ემიგრანტეფიშ ბუნაქ კოჩინოსიშ ჸუჯიშით გეგნიხორჷ კოკშა, თიშ გეშა, ნამჷ-და ახალო გიშაგორილი პრემიერ-მინისტრიშ ფიდელ კასტროშ გინორინაფა მუთხუდესკონ.
ლიტერატურა
[რედაქტირაფა | წყუშ რედაქტირაფა]- Rodriguez, Juan Carlos. 1999. Bay of Pigs and the CIA. Ocean Press. Melbourne. ISBN 1875284982
- Wyden, Peter. 1979. Bay of Pigs - The Untold Story. Simon and Schuster. New York. ISBN 0671240064 ISBN 0224017543 ISBN 978-0671240066
სქოლიო
[რედაქტირაფა | წყუშ რედაქტირაფა]- ↑ Cochino — ჩხომეფი, ნამუეფით ხენა ატლანტიშ ოკიანეს
- ↑ საბანა-კამაგუეიშ არქიპელაგი Archived 2019-12-21 ვებ-ხასჷლას Wayback Machine.