ჰავანა

ვიკიპედიაშე
ნანანოღა
ჰავანა
La Habana
ჰავანაშ კაპიტოლიუმი
ჰავანაშ კაპიტოლიუმი
ჰავანაშ კაპიტოლიუმი
შილა გერბი
შილა გერბი
ქიანა კუბაშ შილა კუბა
სტატუსი ნანანოღა
კოორდ. 23°07′00″ ოორ. გ. 82°23′00″ ბჟად. გ. / 
დირსხუ 1515
ფართობი 721.01 კმ²
ცენტრიშ სიმაღალა 59
ოფიციალური ნინა ესპანური ნინა
მახორობა 2,400,000 კოჩი
აგლომერაცია 3,053.5
ბორჯიშ ორტყაფუ UTC-5, ზარხულს UTC-4
ტელ. კოდი (+53) 7
ოფოსტე ინდექსი 10xxx-19xxx

ჰავანა ორენი კუბა

ჰავანა
ჰავანა კოსმოსშე
ჰავანაშ კათედრალი

ჰავანა (ედომუშამი ჯოხო ესპ. San Cristóbal de La Habana) — კუბაშ ნანანოღა დო უდიდაში ნოღა კარიბიშ რეგიონს, 2,2 მილიონიანი მახორობათ.

ისტორია[რედაქტირაფა | წყუშ რედაქტირაფა]

ჰავანა, 1515 წანას, კონკისტადორ დიეგო ველასკეს დე კელარქ დარსხუ კოკიშ ობჟათე წყარპიჯის, ალმახანურ ნოღა სურგიდერო-დე-ბატაბანიოწკჷმა. ნოღაქ თიშ ალმახანურ აკანშა1519 წანას გჷნორთჷ.

ჰავანა დუდმაართათ სავაჭარო ონიშლი რდჷ, მარა თიშ მარდუ პოლიტიკურ შანულობაშ გეშა, 1607 წანას კუბაშ (თი ბორჯიშო ეპანურ კოლონიაშ) ნანანოღა დო ახალ მოსოფელს ესპანური კოლონიეფიშ თარ ონიშოლო გჷნირთჷ.

ჰავანა პირატეფიშ შხირი გიონთხაფუ რდჷ. 1553 დო 1555 წანეფს ნოღა გოხირეს, 1538 წანას - ედომუშამო გეგნოჭვეს. შკვითწანიანი ლჷმაშ ბორჯის, 1762 წანას, ბრიტანალეფქ ესპანარეფს ნოღა მიდუღეს დო ონიშოლი დუდიშულ ვაჭარობაშო გონწყეს, გემშეჸონეს ვითოშობათ აფრიკალი ჭკორი. ლჷმაშ თებაშ უკული, ბრიტანალეფქ ნოღა ფლორიდაშა გოთირეს. ნოღაშ დორთინაფაშ უკული, ესპანარეფქ თექ აკაგეს ჯიხეფით დო გოლუანეფით ჰავანა ამერიკას არძაშე თხილერ ნოღათ გჷნართინეს.

1920 წანას, ააშ-ის ბუტლეგერობაშ პერიოდის ჰავანაქ, მონრეალიშობურო, ამერიკალეფიშ პოპულარულ ბორჯიშ ოღალარ ნოღათ გჷნირთჷ, მარა სერიშ კლუბეფიშ დო კაზინოეფიშ უმენტაშობა დოკილეს 1959 წანას კუბაშ რევოლუციაშ უკული.

ოქინაფუეფი[რედაქტირაფა | წყუშ რედაქტირაფა]

  • მალეკონი (Malecón) — ოწყარიჯე შოშე ნოღაშ გოლუანიშ მანგას ჰავანაშ ოორუეშე.
  • ლა-პუნტა — პრადოშ შოშეშ დაჭყაფუ, ანუ პასეო-დელ-პრადო. თენა რე პრადოშ დო მალეკონიშ შოშეეფიშ გინოჭკირუას.
  • ლა-რამპა — 23-ა შოშეშ სეგმენტი კალე ლ-შე (ლ შოშე) მალეკონშახ, სოდე ნოღაშ თარ სერიშ ბორჯიშ ოღალარი დჷნაწესებუეფი იდვალუაფჷნ (კლუბეფი, კინოთეატრეფი, სასუმაროეფი, ბარეფი, თ.უ.). ტერასეფშახ დორთილ გერთელობაშ ჭყოლოფუათ სქვამი მიოჯინი რე ზუღაშა.
  • ხაკომინო — სან-მიგელიშ შარაშ ნორთი ვირგენ-დელ-კამინოშ დო სიუდად-მარიშ შქას (ბჟადალ-ბჟაეიოლი) დო გარდიოლასა-დე-ლა-ფერნანდაშ შქას (ოორუე-ობჟათე). სუმი თარი შოშე რე სანტა-ემილია, კალზადა-და-ბელტრანი.
  • ჰავანაშ უნივერსიტეტი — დირსხუ 200 წანაშ კინოხჷ დო კუბაშ არძაშე რჩქინელი უნივერსიტეტი რე.
  • ჯვეშ ჰავანას დიდი მუდანობათ ესპანურ კოლონიური არქიტექტურაშ მინუში რე ასქილადირი დო იუნესკოშ მოსოფელიშ მონძალაშ ერკებულშა რე მიშაღალირი.

გალერეა[რედაქტირაფა | წყუშ რედაქტირაფა]

ლიტერატურა[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]