კოჩოსონი
|
ჯვეში ჩოსონი | ||||
| ||||
|---|---|---|---|---|
 ჯვეში ჩოსონი სოიშახ დანთხუდჷნ, ჯვ. წ. 108 წანაშახ | ||||
| ნანანოღა | ფხენიანი | |||
| ნინა | კოგურიოული | |||
| ფართობი | 80 000 კმ² | |||
| ისტორია | ||||
| - პირველი მოშინუა ჩინურ ტექსტეფს | დოხ. ჯვ. წ. 500 წანა | |||
| - იან-კოჩოსონიშ ლჷმეფი | ჯვ. წ. 323 - ჯვ. წ. 226 წწ. | |||
| - ვიმან ჩოსონიშ მართუალა | ჯვ. წ. 194 წანა | |||
| - ხან-კოჩოსონიშ ლჷმა | ჯვ. წ. 109 - ჯვ. წ. 108 წწ. | |||
| - კოჩოსონიშ დონთხაფა | ჯვ. წ. 108 წანა | |||
კოჩოსონი (კორ. 고조선 ?, 古 朝鮮?, "ჯვეში" ჩოსონი) — პირველი კორეული სახენწჷფო. "[Samguk Yusa]" დო შხვა შქა ოშწანურეფიშ კორეული ისტორიული ნახანდეფიშ მეჯინათ, თინა დარსხჷ ჯვ. წ. 2333 წანას, თანგუნქ, წყარმალუეფი ლიაოჰეშ დო ტედონგანიშ წყარპიჯეფს დო იკათუანდჷ კორეაშ ჩქონიშ ოორუეს დო ობჟათე მანჯურიას. თე ორდოიანი დორსხუაფაშ თარიღი კითხირს იჭანუანს მარკვიალეფშო. [1] ვა რე ნაჭარა მეწურაფეფი თე სახენწჷფოს, ში ცზიშ (ისტორიული ხვილაფეფი) ნახანდეფშახ, ანუ ჯვ. წ. პირველ ოშწანურას ეჭარილი უჩინებუ წყუეფშიშ მეგორაფაშახ.
ჩინური დო კორეული წყუეფს, ჯვეში ჩოსონიშ ეპოქა შხირას ირთჷ შხვადოშხვა პერიოდეფო, სამანგათ, თინა არსხუაფუ ირი თიმ პერიოდიშ დაჭყაფუს მარენჯი ლიდერეფს. თე გჷმნართი იკათუანს კოჩოსონ თანგუნს (2333 - 1100 ჯვ. წწ.), მუჟანსჷთ სახენწჷფოს დუდენდჷ უღურალე ღორონთი თანგუნი. თაშნეშე არსხუაფუ კოჩოსონ კინჯას (1100 - 194 ჯვ. წწ.), ოშწანურეფიშ გოძვრნას ჩინეთიშ მოთხირეფიშ გასამარათებელო თე დიხეფს დო კოჩოსონ ვაიმანს (194 - 108 ჯვ. წწ.), მარა ისტორიული მენცარობა, თაშნეშე ოწაწჷ უჯვეშაში კოჩოსონსჷთ, მუჭოთ ირო რინელი თურეფიშ რსხუს. თე დოწარწუა არსხუაფუ ვა ისტორიას, ანდანე თი მითოლოგიას, ნამუქჷთ გჷმიქიმინუ ოჩიულეშ დასაბუთებაშ სისტემაშ გოჭყაფაშის.
სქოლიო
[რედაქტირაფა | წყუშ რედაქტირაფა]- ↑ Статья Андрея Ланькова о корейском национализме. დოარქივაფილი რე ორიგინალშე 2009-03-29-ს. კითხირიშ თარიღი: 2018-11-30.