კრესპი-დ’ადა
| კრესპი-დ’ადა* | |
|---|---|
| იუნესკოშ მოსოფელიშ მონძალაშ ობიექტი | |
| |
| ქიანა |  იტალია
|
| ტიპი | კულტურული |
| კრიტერიუმეფი | iv, v |
| ერკებული | იუნესკოშ ერკებული |
| რეგიონი** | ევროპა |
| კოორდინატეფი | 45°35′48″ ოორ. გ. 9°32′10″ ელ. გ. |
| კათაფაშ ისტორია | |
| კათაფა | 1995 (მა-19 სესია) |
| ნომერი | 730 |
| * ქძ. ინგლ. ჯოხო UNESCO-შ ერკებულს. | |
| ** იუნესკოშით კლასიფიცირაფილი რეგიონი. | |
|
მოსოფელიშ მონძალა UNESCO, ობიექტი № 730 რუს. • ინგლ. • ფრ. |
კრესპი-დ'ადა (იტალ. Crespi d'Adda) — ისტორიული დოხორინი ოორუე იტალიას, ლომბარდიაშ რეგიონს. წჷმარინუანს XIX ოშწანურაშ დო XX ოშწანურაშ დაჭყაფუშ თ.გ. „კომპანიაშ დოხორინს", ანუ ოფუტეეფიშ დოგეგმარაფაშ ახალ მოდელს, მუჟამჷსთ თინეფს დიდარი მარეწვალეფი მუნეფიშ მუშეფშო ეთმოკიდჷნდეს. თიშ უმკუჯინუო, ნამდა ამდღა სოციალური დო ეკონომიკური პიჯალეფი თირელი რენ, 30 თინეფშე ხეუმუთხჷმუო რე გინოსქილადირი დო კინე ორეწუალე ღანკეფშო გჷმირინუაფუ.[1] 1995 წანაშე თინეფი მიშულირი რე იუნესკოშ მოსოფელიშ მონძალაშ ობიექტეფიშ ერკებულშა.
1869 წანას, ტექსტილიშ მაწარმებელ ბუსტო არსიზიოქ წყარმალუ ბრემბოს დო ადას შქას აშახვილირი 1 კილომეტრიშ სიგინძაშ ლეხერი ქიჸიდჷ, თიშენი, ნამდა თექ ბამბეშ ოწარმეფი გუნწყჷმუდჷკო. თეს ხეს უნწყჷნდჷ წყარმალუ ადაშ წყარი.[2]
ადაქ ბამბეშ გერთუალაშ ახალი ტექნოლოგიეფი აკიმუშუ, ნამუეფსჷთ მუშ ოწარმეფს ირინუანდჷ.[3] 1906 წანას, საწარმეფიშ ელექტროენერგიათ აკონაზირუაშ ღანკით, წყარმალუ ადას ეკიდილქ იჸუ ჰიდროელექტროსადგჷმქ.[4] საწარმეფიშ ხასჷლას დვალირი დოხორინი, ნამუქჷთ 1878 წანას იჸუ ეკიდილქჷნ, უნარღელჸოფილი რდჷ თიცალ სოციალური მოინალობათ, მუნერეფით რე კლინიკა, სკოლა, თეატრი, სასაფულე, აბანო დო ეკლესია.[5] [6]
ოფუტეთ დო ოწარმეფით განათებული რდჷ ელექტროენერგიათ.[7] ოფუტე კრესპი-დ'ადა პირველი რდჷ იტალიას, ნამუსჷთ ალმახანური ტიპიშ ჯარალუობური განათება უღუდჷნ. მუშეფიშ ჸუდე მონწყილი რდჷ ინგლისურ სტილს დო პარალელური შოშეეფიშ მანგის იდვალუაფუდჷ, საწარმეფიშ ბჟაეიოლჸურე.[3][8] სუმღოზამი პროსპექტი დოხორინს ოწარმე ზონაშე გჷშმართჷნდჷ. ედომუშამი არქიტექტურა დო ოფუტეშ დოგეგმარაფა არქიტექტორ ერნესტო პიროვანოს ორხველჷ.
გალერეა
[რედაქტირაფა | წყუშ რედაქტირაფა]
.jpg)
ქოძირით თაშნეშე
[რედაქტირაფა | წყუშ რედაქტირაფა]რესურსეფი ინტერნეტის
[რედაქტირაფა | წყუშ რედაქტირაფა]- Villaggio Crespi Archived 2010-07-06 ვებ-ხასჷლას Wayback Machine.
- Crespi d'Adda Archived 2011-05-11 ვებ-ხასჷლას Wayback Machine.
- Associazione Culturale Nema[ღურელი რსხილი]
სქოლიო
[რედაქტირაფა | წყუშ რედაქტირაფა]- ↑ http://whc.unesco.org/archive/periodicreporting/EUR/cycle01/section2/730-summary.pdf
- ↑ http://db.formez.it/ArchivioEsperienze.nsf/1906f55ba24156a3c1256da9003022a4/63ad17e92802d991c1256f42003f32e4/$FILE/Report_Unesco730.pdf
- ↑ 3.0 3.1 Value And History Of The Village Of Crespi D'Adda Archived 2008-11-05 ვებ-ხასჷლას Wayback Machine.
- ↑ www.laviadellenergia.it - Territory - Territorial Policies - Taccani Hydroelectric Power Station, Trezzo d'Adda, Milano Archived 2008-10-05 ვებ-ხასჷლას Wayback Machine.
- ↑ http://www.valxer.it/Valxer/1037345/English.pdf Archived 2011-07-22 ვებ-ხასჷლას Wayback Machine.
- ↑ Crespi d'Adda.Crespi d'Adda Archived 2011-05-11 ვებ-ხასჷლას Wayback Machine.
- ↑ What Is Crespi D'Adda? Archived 2007-09-28 ვებ-ხასჷლას Wayback Machine.
- ↑ untitled