ლომბარდია

ვიკიპედია-შე
Jump to navigation Jump to search
ლომბარდია
იტალ. Lombardia
Milan skyline skyscrapers of Porta Nuova business district.jpg
გერბი
Regione-Lombardia-Stemma.svg
შილა
Flag of Lombardy.svg
ქიანა იტალიაშ შილა იტალია
სტატუსი რეგიონი
მიშმურს 12 პროვინცია
ფორჷნს 1506 კომუნა
ადმინ. ცენტრი მილანი
ედპ (2017)
ედპ ართ შურ მახორუშე
€381 მილიარდი
€38,000
მახორობა (2019) 10,078,012
მეჭედალა 420 კოჩი/კმ²
ფართობი 23,844 კმ²
ლომბარდია რუკას
ბორჯიშ ორტყაფუ UTC+1 (DST UTC+2)
კოდი ISO 3166-2 IT-25
ოფიციალური ვებ-ხასჷლა
Commons-logo.svg Lombardy

ლომბარდია (იტალ. Lombardia) — რეგიონი ოორუე იტალიას, ნამუთ იკათუანს ლაგო-მაჯორეშ, ლუგანოშ, გარდაშ დო კომოშ ტობეფიშ რაიონს. ჯოხოქ გიადჷ ჯვეშგერმანული ტომეფიშ — ლანგობარდეფიშ მეჯინათ. ლომბარდიაშ რეგიონიშ ნანანოღა რე მილანი. ლომბარდიას ოხორანს იტალიაშ მახორობაშ ართი ნაამშვალი დო თაქ იწარმებჷ ქიანაშ ედომუშამი დინოხოლენი პროდუქტიაშ ართი ნახუთალი. შედეგო, ლომბარდია იტალიაშ არძაშე მიარეკათამი დო დიდარი რეგიონი დო ართ-ართი არძაშე უდიდარაში რე ედომუშამი ევროპას. შანულამი ტურისტული ოქინაფუეფი იკათუანს ისტორიულ, კულტურულ დო ხელუანობაშ ნოღეფს, ნამუეფს შქას რე მილანი (იტალიაშ მაჟირა არძაშე პოპულარული ტურისტული ოულარი), ბრეშა, მანტუა, პავია, კომო, კრემონა, ბერგამო, სონდრიო, ლეკო, ლოდი, ვარეზე, მონცა დო თიჯგურა ტობეფი,მუჭომით რე გარდა, კომო, ლაგო-მაჯორე დო იზეო.

ოფიციალური ნინა, თეშ მუჭოთ იტალიას ირდიხას, იტალიური რე. ტრადიციული, აბანობური ნინეფი ლომბარდიულიშ მიარენერი დიალექტეფი რე, თაშნეშე მუჭოთ ემილიურიშ დიალექტეფი, ნამუეფშა მანტუაშ, პავიაშ დო კრემონაშ პროვინციეფიშ კანკალე ნორთეფს იჩიებჷნა. იტალიაშ სტატისტიკაშ ნინალაშ მუნაჩემეფიშ მეჯინათ, ლომბარდიაშ მახორობაშ 27% ჟირნინამი რე დო რაგადანს მუჭოთ იტალიურ, თეშ ლომბარდიულ ნინაშა. 9,1% მონოლინგვისტური რე დო ხვალე ლომბარდიულო რაგადანს, მონოლინგვისტეფიშ 57,6% — ხვალე იტალიურო.

ლომბარდია ქიანაშ თარი ოხერეჭუე ზონა რე. თაქ იდვალუაფუ მეტალურგიული ოწარმეეფი (Falck), ოავტომობილრ ფაბრიკეფი (Autobianchi, Maserati, Alfa, Innocenti), ხაბაკიშ დო მადვალარიშ ფაბრიკეფი, გჷშაშქუმალეფი (Rizzoli, Mondadori).

თაშნეშე ქოძირით[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]