კურსკიშ ჭაჭმენტური ანომალია
კურსკიშ ჭაჭმენტური ანომალია (რუს. Курская магнитная аномалия) რე რკინაშ მადენით დინდარი ტერიტორია რუსეთის, კურსკიშ, ბელგოროდიშ დო ვორონეჟიშ ოლქეფს. კურსკიშ ჭაჭმენტური ანომალია რე უკაბეტაში ჭაჭმენტური ანომალია დიხაუჩას. ანომალიას მიოგორეს 1773 წანას. თიშ უკული შხვადოშხვა მენცარეფი დო ექსპედიციეფი გურაფულენდეს ანომალიას. კურსკიშ ანომალიას რკინაშ მადენი გოფაჩილი რე 120,000 კმ² ტერიტორიას.