ლაიმენ ფრენკ ბაუმი

ვიკიპედია-შე
ნავიგაციაზე გადასვლა ძიებაზე გადასვლა
ლაიმენ ფრენკ ბაუმი
L. Frank Baum (1911).jpg
ფსევდონიმი:

George Brooks,
Louis F. Baum,
Laura Bancroft,
Suzanne Metcalf,
Capt. Hugh Fitzgerald,
Schuyler Staunton,
Edith Van Dyne,
Floyd Akers,
John Estes Cooke

დაბადებაშ თარიღი:

15 მესი, 1856

დაბადებაშ აბანი:

ჩიტენანგო, ნიუ-იორკი, ააშ

ღურაშ თარიღი:

მესი 6, 1919 (62 წანერი)

ღურაშ აბანი:

ლოს-ანჯელესი, კალიფორნია, ააშ

ერუანობა:

Flag of The United States.svg ამერიკალი

საქვარუა:

ჭარუ, ნოველისტი, დრამატურგი, სცენარისტი, კინოპროდიუსერი

პერიოდი :

1897 - 1919

Magnum opus:

ოზიშ სარკო მაზაკვალი (1900)

ჟანრი:

ფენტეზი,
ბაღანეფიშ ლიტერატურა

ნინა:

ინგლისური ნინა

ხეშმოჭარუა

ლაიმენ ფრენკ ბაუმი (ინგლ. Lyman Frank Baum; დ. 15 მესი, 1856, ჩიტენანგო, ნიუ-იორკი, ააშ — ღ. 6 მესი, 1919, ლოს-ანჯელესი, კალიფორნია, ააშ) — ამერიკალი ჭარუ, ნოველისტი, დრამატურგი, სცენარისტი დო კინოპროდიუსერი. ომოსო მოღალენდჷ ფენტეზიშ დო ბაღანეფიშ ლიტერატურაშ ჟანრეფს. შინელი რე წინგით "ოზიშ სარკო მაზაკვალი", ნამუქჷთ 1900 წანას გიშართჷ დო ავტორს დიდი პოპულარობა მოუღჷ. ჸათე ნახანდის უკულ მაჸუნ წინგეფიშ შხვა სერიეფქ ხოლო. წინგიშ სიუჟეტის რე გერსხილი 1939 წანას გინოღალირი ამერიკული მიუზიკლი "ოზიშ მაზაკვალი".

ლაიმენ ფრენკ ბაუმიქ ნიუ-იორკიშ შტატიშ ოფუტე ჩიტენანგოს დებადჷ. ირდუდჷ აპსთეით ნიუ-იორკის. მუშენდჷ დიო პროდიუსერო დო უკულ სცენარისტო. უკულიან პერიოდეფს ბაუმიქ დო მუშ ოსურქ ოცხოვრებშა ობჟათე დაკოტაშა გინილეს, სოდეთ მაღაზია გონწყეს. ჸათე ბორჯის ბაუმიქ დიჭყჷ ლიტერატურული კარიერა დო ქჷდარსხუ ლიტერატურული გაზეთი. ბაუმი ოცადუდ ბაღანეფიშ კინო-სტუდიაშ დორსხუაფას ხოლო.

ბაუმიშ ნაწარმებეფს ეჭარილი რე მუმალიშ მოლინეფი: ფერადი ტელევიზია, ლეპტოპ-კომპიუტერეფი, უკაბელე ტელეფონეფი, მუკაქუნალიშ რეკლამეფი, ოსურეფიშ შანულამი როლი ჯარალუას დო შხვეფი.

ლაიმენ ფრენკ ბაუმი რე ავტორი ოზიშ სერიაშ 14 რომანიშ, 41 შხვა რომანეფიშ, 83 თხობელუაშ, 200-შე უმოსი ლერსიშ, თაშნეშე პიესეფიშ, სცენარეფიშ დო შხვა.

რესურსეფი ინტერნეტის[რედაქტირაფა | წყუშ რედაქტირაფა]