ლევ ლანდაუ

ვიკიპედიაშე
ლევ ლანდაუ
რუს. Лев Дави́дович Ланда́у

ლევ ლანდაუ 1962
დაბადებაშ თარიღი:

22 ღურთუთა, 1908

დაბადებაშ აბანი:

ბაქო, რუსეთიშ იმპერია

ღურაშ თარიღი:

პირელი 1, 1968 (60 წანერი)

ღურაშ აბანი:

მოსკოვი, სსრრ

მენოღალობა:

რუსეთიშ იმპერია
აზერბაიჯანიშ დემოკრატიული რესპუბლიკა
სსრრ

ომენცარე სფერო:

ფიზიკა

სამუშაშ აბანი :

ხარკოვიშ პოლიტექნიკური ინსტიტუტი
ხარკოვიშ ერუანული უნივერსიტეტი
ფიზიკური პრობლემეფიშ ინსტიტუტი
მოსკოვიშ სახენწჷფო უნივერსიტეტი

ალმა-მატერი:

ბაქოშ სახენწჷფო უნივერსიტეტი
ლენინგრადიშ სახენწჷფო უნივერსიტეტი
ლენინგრადიშ ფიზიკო-ტექნიკური ინსტიტუტი

ომენცარე ხემანჯღვერი:

ნილს ბორი

ჯოხოშინელი მოგურაფეეფი:

ალექსეი აბრიკოსოვი
ალექსანდრ ახიეზერი
ლევ გორკოვი
ისააკ ხალატნიკოვი
ლევ პიტაევსკი
ევგენი ლიფშიცი

ჯილდოეფი დო პრემიეფი:

სტალინური პრემია (1946)
მაქს პლანკიშ მენდალი (1960)
ფრიც ლონდონიშ პრემია (1960)
ნობელიშ პრემია ფიზიკაშ დარგის (1962)

ლევ დავითიშ სქი ლანდაუ (რუს. Лев Дави́дович Ланда́у; დ. 22 ღურთუთა [ჯვ. სტ. 9 ღურთუთა], 1908, ბაქო, რუსეთიშ იმპერია — ღ. 1 პირელი, 1968, მოსკოვი, სსრრ) — რუსი ფიზიკოსი-თეორიტიკოსი.

ლანდაუქ მიოგორუ პისქვინიშ მატრიცაშ მეთოდის, აკადგინჷ დო მიშეღჷ დიამაგნეტიზმიშ კვანტურ-მექანიკური თეორია, თაშნეშე სუპერქვანთობაშ (ინგლ. Superfluidity) თეორია, მაჟირა რანწკიშ ფაზური გინულაშ თეორია, სუპერლინაფაშ (ინგლ. Superconductivity) გინზბურგი-ლანდაუშ თეორია, ფერმიშ ქვანთეფიშ თეორია, თაშნეშე, პლაზმური ფიზიკას ენწყუ ლანდაუშ დემპინგი, კვანტური ელექტროდინამიკას - ლანდაუშ პოლუსი, წჷმარინუ ნეიტრინოეფიშ ჟირ-კომპონენტური თეორია დო S მატრიცაშ სინგულარობაშ განტოლებეფი. სუპერქვანთობაშ მათემატიკური თეორიაშ (ნამუთ ეთმოჭარუნს ქვანთი ჰელიუმი II-შ რჯებეფს 2.17 K-შე დაბალ ტემპერატურას) გოვითარაფაშ გეშა, ლანდაუქ 1962 წანას მიპალუ ნობელიშ პრემია ფიზიკაშ დარგის.

ლევ ლანდაუქ დებადჷ ბაქოს, ურიეფიშ ფანიას. გურაფულენდჷ ფიზიკას, მათემატიკას დო ქიმიას ბაქოშ უნივერსიტეტის. უკულ გურაფა გაგინძორჷ ლენინგრადიშ სახენწჷფო უნივერსიტეტის, ნამუთ გათუ 1927 წანას. ლანდაუქ ოდოქტორე დისერტაცია თხილუ 1934 წანას, ლენინგრადიშ ფიზიკო-ტექნიკურ ინსტიტუტის.

ლანდაუ 1929-1931 წანეფს შარალენდჷ ევროპას. რდჷ გეტინგენს, ლაიფციგის, კოპენჰაგენს, კემბრიჯის, ციურიხის. ჸათე პერიოდის გეჩინებაფუ გიშარჩქინელი ევროპალი მენცარეფი: ნილს ბორი, პოლ დირაკი დო ვოლფგანგ პაული.

სსრრ-შა დორთინაშ უკული, მუშენდჷ შხვადოშხვა ომენცარე ინსტიტუტეფს. დიო ხარკოვს იმუშუ დო უკულ გინილჷ მოსკოვშა, რდჷ მოსკოვიშ სახენწჷფო უნივერსიტეტიშ პროფესორი.

ლიტერატურა[რედაქტირაფა | წყუშ რედაქტირაფა]

  • Janouch, Frantisek (1979). Lev D. Landau: His life and work. CERN. 

რესურსეფი ინტერნეტის[რედაქტირაფა | წყუშ რედაქტირაფა]