მაკინდოლი

ვიკიპედიაშე
მაკინდოლი
მენცარული კლასიფიკაცია
ომაფე: ჩანარეფი
გჷნართი: ფორილთასამეფი
კლასი: ჟირლებერამეფი
ფანია: ქორგამეფი
გვარი: მაკინდოლი
ლათინური ჯოხო
Petroselinum
თხილუაშ სტატუსი


სისტემატიკა
ვიკინერობეფს


სურათეფი
ვიკიოწკარუეს


მაკინდოლი (ლათ. Petroselinum) — ჩანარეფიშ გვარი ქორგამეფიშ ფანიაშე. ართ ვარდა ჟირწანიანი ოდიარე რე. თიში ოდაბადე სქირონაშქა ზუღა რე. დახე ირდიხას რე გოფაჩილი. ჩინებული რე მაკინდოლიშ 3 გვარობა, კულტურას რე ართი — ორტვინიშ მაკინდოლი (Petroselinum sativum), ჟირწანიანი რე, მაართა წანას ივითარენს ფურცელეფს დო ბულეკის, მაჟირა წანას — ოპიოლე ღერს (75 - 150 სმ) დო თასის. ჸინგჷმარზე რე, თასჷნა გვიან დამორჩილს, ზოთონჯს ვარდა ორდოშიან გიშულირს. თასი 2-3 °C ტემპერატურას ღვიღვონდუ, ოროს ზჷმიერო მითმითხინს. მაკინდოლი დიდარი რე ვიტამინეფით, მინერალური ნიფთიარობეფით დო ეთერზეთეფით. გიმირინუანა ლადირო დო ხომლათ კულინარიას დო ოკონსერვე რეწუალას, მედიცინას (ბჟღერმალინე საშუალებათ). მაკინდოლიშ 2 სახეგვარობა რე ბულეკი მაკინდოლი დო ფირცელამი მაკინდოლი. თე ეკონია ფართოთ რე გოფაჩილი საქორთუოს „ქუთეშურიშ“ ჯოხოდვალათ.

ლიტერატურა[რედაქტირაფა | წყუშ რედაქტირაფა]