მაკფარლეინ ბერნეტი

მაკფარლეინ ბერნეტი
ინგლ. Macfarlane Burnet
დაბადებაშ თარიღი:	3 ეკენია, 1899
დაბადებაშ აბანი:	ტრარალგონი, ვიქტორია, ავსტრალია
ღურაშ თარიღი:	მარაშინათუთა 31, 1985 (85 წანერი)
ღურაშ აბანი:	პორტ-ფერი, ვიქტორია, ავსტრალია
მენოღალობა:	ავსტრალია
ომენცარე სფერო:	ვირუსოლოგია
სამუშაშ აბანი :	მელბურნიშ უნივერსიტეტი
ალმა-მატერი:	მელბურნიშ უნივერსიტეტი ლონდონიშ უნივერსიტეტი
ომენცარე ხემანჯღვერი:	ჯონ ჩარლზ გრანტ ლედინგემი
ჯილდოეფი დო პრემიეფი:	ჯონ სტიუარტ ბელიშ პრემია (1935) ომაფე მენდალი (1947) ლასკერიშ პრემია (1952) დიაფალი ელისაბედ II-შ კორონაციაშ მენდალი (1953) ჯეიმს კუკიშ მენდალი (1954) ღრისებაშ ორდენი (1958) კოპლიშ მენდალი (1959) მეთიუ ფლინდერსიშ მენდალი დო ლექცია (1959) წანაშ ავსტრალიარი (1960) ნობელიშ პრემია ფიზიოლოგიაშ დო მედიცინაშ დარგის (1960) ეშმაულარი ბჟაშ ორდენი (1961) მიულერიშ მენდალი (1962) ბრიტანეთიშ იმპერიაშ ორდენიშ რაინდი-კომანდორი (1969) დიაფალი ელისაბედ II-შ ვარჩხილიშ იუბილეშ მენდალი (1977) ავსტრალიაშ ორდენიშ რაინდი (1978) ლონდონიშ ომაფე ჯარალუაშ მაკათური (1942) მენცარობეფიშ ერუანული აკადემიაშ მაკათური (1954) ამერიკაშ ხელუანობეფიშ დო მენცარობეფიშ აკადემიაშ მაკათური (1958)

სერ ფრენკ მაკფარლეინ ბერნეტი (ინგლ. Sir Frank Macfarlane Burnet; დ. 3 ეკენია, 1899 — ღ. 31 მარაშინათუთა, 1985) — ავსტრალიარი ვირუსოლოგი დო იმუნოლოგი. შეძინილი იმუნოტოლერანტობაშ რკვიებაშ გეშა მიპალუ ნობელიშ პრემია ფიზიოლოგიაშ დო მედიცინაშ დარგის 1960 წანას. ბერნეტიქ აკიმუშუ კლონურ-სელექციური თეორია, მიოგორუ ჩეჩხური Q-შ დო ორნიტოზიშ გჷმმაჭანაფალეფს, გიმიგონჷ ბიოანალიზიშ მეთოდი გრიპიშ ვირუსიშ იზოლაციაშო დო კულტივირაფაშო, ეჭარუ გრიპიშ შტამეფიშ რეკომბინაცია, დანტკიცჷ ნამდა მიქსომატოზიშ ვირუსი ვარე ადამიერეფიშ ლახარაშ ბაძაძი. თეხანური გრიპიშ ვირუსიშ ვაქცინა გერსხილი რე ბერნეტიშ მენცარული რკვიებეფს.

დებადჷ ავსტრალიაშ ნოღა ტრარალგონის. გურაფულენდჷ მელბურნიშ უნივერსიტეტის. ახალნორდობაშე დეინტერესჷ ჩარლზ დარვინიშ იდეეფით. ბერნეტი დუდშე აგნოსტიკი დო უკულ ათეისტი რდჷ. სკეპტიკურო უჯინედჷ რელიგიას. ართი პერიოდის დაინტრესებული რდჷ კომუნიზმით ხოლო.

1924 წანას მიპალუ მედიცინაშ დოქტორიშ ხარისხი მელბურნიშ უნივერსიტეტის დო 1928 წანას ფილოსოფიაშ დოქტორიშ (Ph.D) ხარისხი ლონდონიშ უნივერსიტეტის. 1920-იანი წანეფიშე ბერნეტი მუშენდჷ ვალტერ დო ელიზა ჰოლეფიშ ჯოხონობაშ ომედიცინე ინსტიტუტის დო 1944-1965 წანეფს რდჷ ჸათე ინსტიტუტიშ დირექტორი. 1965-1978 წანეფს ბერნეტი მუშენდჷ მელბურნიშ უნივერსიტეტის. ბერნეტი რდჷ ავსტრალიაშ მენცარობეფიშ აკადემიაშ ართ-ართი დუმარსხუაფალი დო რდჷ თიში პრეზიდენტი 1965-1969 წანეფს.

ლიტერატურა

• Fenner, Frank (1988). Sir Macfarlane Burnet, Scientist and Thinker. Brisbane: University of Queensland Press.
• Sexton, Christopher (1991). The Seeds of Time: The Life of Sir Macfarlane Burnet. New York: Oxford.

რესურსეფი ინტერნეტის

• მაკფარლეინ ბერნეტი ენციკლოპედია ბრიტანიკას
• მაკფარლეინ ბერნეტი Nobelprize.org-ის