მარია მიტჩელი
| მარია მიტჩელი | |
| ინგლ. Maria Mitchell | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მანგი 28, 1889 (70 წანერი) |
| ღურაშ აბანი: |
ლინი, მასაჩუსეტსი, ააშ |
| მენოღალობა: | |
| ომენცარე სფერო: | |
| სამუშაშ აბანი : | |
| ჯოხოშინელი მოგურაფეეფი: | |
| ჯილდოეფი დო პრემიეფი: | |
| ხეშმოჭარუა: |
|
.png){kind=small}
მარია მიტჩელი (ინგლ. Maria Mitchell; დ. 1 მარაშინათუთა, 1818, ნანტაკეტი, მასაჩუსეტსი, ააშ — ღ. 28 მანგი, 1889, ლინი, მასაჩუსეტსი, ააშ) — ამერიკალი ასტრონომი. 1847 წანას მიოგორუ კომეტას C/1847 T1 (ნამუსჷთ "მიტჩელიშ კომეტა"-ს ხოლო უძახჷდეს). ჸათეშ გეშათ დანიაშ მაფა კრისტიან VIII-ქ მიტჩელის გინოჩჷ ორქოშ მენდალი 1848 წანას. მიტჩელი შინელი რე მუჭოთ მაართა პროფესიონალი ოსური ასტრონომი დო ასტრონომიაშ მაართა ოსური პროფესორი. თაშნეშე, მარია მიტჩელი რდჷ მაართა ოსური, ნამუქჷთ გიშაგორილქ იჸუ ამერიკაშ ხელუანობეფიშ დო მენცარობეფიშ აკადემიაშ მაკათურო.
მარია მიტჩელიქ ასტრონომიათ დეინტერესჷ მუმაშ ინიციატივათ, ნამუთ სკოლაშ მაგურაფალი დო მოჸოროფე ასტრონომი რდჷ. მარია მიტჩელიქ მუში მუმაწკჷმა ართო მანწყუ კერზო ობსერვატორია დო დიჭყჷ ასტრონომიული რკვიებეფი. უმაღალაში გონათაფა ვემუღებჷ. 1860-იან წანეფშე მუშენდჷ ვასარიშ კოლეჯის. 1865 წანაშე რდჷ ვასარიშ კოლეჯიშ ასტრონომიაშ პროფესორი.
მარია მიტჩელიშ ჯოხონობაშ რე ობსერვატორია, ნამუქჷთ დირსხუ ნანტაკეტის, 1908 წანას.
რესურსეფი ინტერნეტის
[რედაქტირაფა | წყუშ რედაქტირაფა]- მარია მიტჩელიშ ასოციაცია
- მარია მიტჩელი ენციკლოპედია ბრიტანიკას
- მარია მიტჩელიშ ჸუდე YouTube ვიდეო
- ნახანდეფი Open Library-ის
- მარია მიტჩელი - ნახანდეფი პროექტ „გუტენბერგის“
- მარია მიტჩელი ოსურეფიშ ისტორიაშ ერუანულ მუზეუმს
- მარია მიტჩელი — Find a Grave-ს