მარი მეინარდ დეილი
| მარი მეინარდ დეილი | |
| ინგლ. Marie Maynard Daly | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გჷმათუთა 28, 2003 (82 წანერი) |
| ღურაშ აბანი: |
ნიუ-იორკი, ააშ |
| მენოღალობა: | |
| ომენცარე სფერო: | |
| სამუშაშ აბანი : |
ჰოვარდიშ უნივერსიტეტი |
| ალმა-მატერი: | |
| ომენცარე ხემანჯღვერი: |
მერი კალდუელი |
მარი მეინარდ დეილი (ინგლ. Marie Maynard Daly; დ. 16 პირელი, 1921, ნიუ-იორკი, ააშ — ღ. 28 გჷმათუთა, 2003, ნიუ-იორკი, ააშ) — ამერიკალი ბიოქიმიკოსი, მაართა აფრიკალი-ამერიკალი ამერიკას, ნამუქჷთ მიპალუ ფილოსოფიაშ დოქტორიშ ხარისხი ქიმიას. მარი მეინარდ დეილი გურაფულენდჷ ქუინსიშ კოლეჯის. უკულ დეილიქ გურაფა გაგინძორჷ დიო ნიუ-იორკიშ უნივერსიტეტის დო უკულ კოლუმბიაშ უნივერსიტეტის. კოლუმბიაშ უნივერსიტეტის დეილიქ მიპალუ დიო მაგისტრიშ დო უკულ დოქტორიშ ხარისხი. გურაფაშ თებაშ უკულ, 1947-1948 წანეფს დეილი მუშენდჷ ჰოვარდიშ უნივერსიტეტის, მენცარ-ინსტრუქტორო. 1949 წანას დეილიქ გეგნორთჷ როკფელერიშ უნივერსიტეტიშა. 1955 წანას მარი დეილიქ მუშობა ქიდიჭყჷ კოლუმბიაშ უნივერსიტეტიშ ექიმეფიშ დო ქირურგეფიშ კოლეჯის. 1960 წანაშე მარი დეილი რე იეშივაშ უნივერსიტეტიშ ალბერტ აინშტაინიშ ჯოხონობაშ მედიცინაშ ინსტიტუტის ბიოქიმიაშ პროფესორი. 1958-1963 წანეფს მარი დეილი რდჷ ამერიკაშ გურიშ ასოციაციაშ ინსტრუქტორი. მარი დეილი რდჷ ამერიკაშ ონკოლოგიური ასოციაციაშ დო ნიუ-იორკიშ მენცარობეფიშ აკადემიაშ მაკათური. მარი მეინარდ დეილიქ გიმირკვიუ ჰისტონეფი, ცილეფი, ცილაშ ბიოსინთეზი, ქოლესტეროლი, კრეატინი დო შხვ.